Mix
Ide për të dekoruar pemën e Krishtlindjes me fëmijët
Të vegjlit mezi presin të mbërrijnë Krishtlindjet, festa më e dashur e vitit: zbuloni disa ide të reja për të argëtuar fëmijët, duke dekoruar pemën tuaj të Krishtlindjes me ta dhe duke nxitur imagjinatën e tyre.
Si do të duket pema juaj?
Krishtlindjet po afrojnë dhe pemët kanë filluar të vendosen dhe zbukurohen. A keni provuar të përfshini fëmijët në përgatitjen e dekorimeve për festa? Bëjini dekorimet me to, duke u nisur nga materialet që gjeni në shtëpi dhe pasi i keni përgatitur, lërini ato ti vendosin në pemën e Krishtlindjes.
Nëse jetoni në mal, është e lehtë të kesh degë pishe në dispozicion për ta kthyer në një pemë Krishtlindjeje. Nëse jetoni në qytet, blerja e një peme artificiale është zgjidhja më e mirë.
Vit pas viti, do të jetë pjesë e ritualeve të festave tuaja hapja e kutisë së vendosur mënjanë ose e quajtur ndryshe kutia e dhuratave. Kujdesuni për ti rregulluar këto kuti me letra me ngjyra dhe ndonjë shënim ngjitur me kutinë. Lërini fëmijët tuaj të shkruajnë dhe ti përgatisin vetë sipas dëshirës.
Për të pajisur pemën tuaj të Krishtlindjes me dekorime origjinale, pse të mos provoni të bëni disa flokë dëbore? Pritini një rreth nga letra e bardhë ose letra e trashë, mbuloni njërën anë me ngjitës dhe spërkatni pak shkëlqim në sipërfaqe. Merrni shtupë pambuku dhe mbuloni skajet e ngjitura më parë me shkëlqim. Në fund ngjitni sythat e pambukut për të formuar shumë flokë dëbore.
Filloni duke i bërë fëmijët t’i ngjyrosin shkopinjtë e akullores me ngjyrë jeshile dhe kur të thahen ngjitni tre shkopinj së bashku që skajet të formojnë një trekëndësh.
Në fund në një karton vizatoni një yll të verdhë dhe një drejtkëndësh kafë. Pritini dhe vendosini në mënyrë që drejtkëndëshi të përfaqësojë trungun, trekëndëshi me shkopinj kurorën dhe ylli i verdhë majën e pemës.
Mund të blini lule artificiale ose mund të bëni disa lule nga letra me ngjyra për një pamje akoma më të bukur të pemës tuaj.