Lulzim Bashës i është rritur mbështetja e demokratëve. Këtë gjë ka deklaruar vetë kryetari i shkarkuar i Partisë Demokratike në një konferencë për gazetarët. Ndryshe nga ç’ka deklaruar disa muaj më parë që kishte 97% e mbështetjes së demokratëve, këtë herë shifra ka është rritur. Basha tha se me të është 99.9% e demokratëve sepse ata duan të ardhmen.

Çfarë tha kryedemokrati Basha sot:

Pyetja: Kam dhe një pyetje tjetër në fakt që nuk lidhet me temën, por po e bëj me shpresën që mbase mund të më përgjigjeni. Më 23 tetor ju keni deklaruar se keni 97% demokratë në mbështetjen tuaj. A ka lëvizur kjo shifër? Është më e lartë, më e ulët?

Lulzim Basha: Sa vite kemi së bashku, në këtë sallë, ne denoncojmë ju përpiqeni ta pasqyroni. Edhe beteja, të cilës ju i referoheni, është një betejë për të ardhmen, është një betejë që kjo parti mos të mbesë peng i të shkuarës, qoftë kjo e shkuara komuniste e Shqipërisë dhe mentaliteti komunist dhe mbeturinat e komunizmit, brenda partisë, qoftë kjo mbeturinat e korrupsionit brenda Partisë Demokratike. Dhe të jeni të sigurt që shumica absolute, jo 97, por 99.9% e demokratëve janë për të ardhmen. 99.9% e demokratëve si lidh asgjë as me mendësinë bolshevike, ë, partia nuk është pronë e askujt, është pronë e gjithë demokratëve, dhe as me aferat korruptive që kanë ndodhur gjatë qeverisjes tonë. Nuk ka përfituar, 99.% e demokratëve nuk kanë përfituar, janë dëmtuar, janë dëmtuar si shqiptarë, janë dëmtuar në imazh dhe dinjitet si demokratë, sa herë që bashkëqytetarë tanë kanë treguar me gisht zyrtarë që kanë marrë pushtet gjatë kohës sonë dhe që kanë abuzuar me atë pushtet. Kështu që nga kjo pikëpamjen që është pikëpamja e vetme me të cilën mund të flasim sot, pikëpamja e parimeve, të jesh e sigurt, që me qasjen tonë, nën lidershipin tim për ta pastruar Partinë Demokratike nga mbeturinat e mentalitetit komunist dhe nga pasojat e korrupsionit gjatë qeverisjes sonë, janë 99.9% e demokratëve.

Çfarë thoshte kreu i PD-së Lulzim Basha më 23 tetor 2021:

Lulzim Basha: Mbështetja e anëtarësisë së PD-së për mua ka shkuar 97% tani që po flasim! Baçi ka dhënë dorëheqjen një vit e gjysmë më parë. Komandimi është bërë në të mirë të organizmit në atë degë. Do të bëhet edhe në degë të tjera.