Një paketë e plotë propozimesh për të zgjidhur të gjitha çështjet dypalëshe mes Greqisë dhe Shqipërisë do të sjellë në në Tiranë në fillim të qershorit ministrin e Jashtëm grek Nikos Kotzias. Propozimet greke i dorëzohen Tiranës në 20 vjetorin e nënshkrimit të traktatit të miqësisë nga dy vendet në vitin 1996. Propozimi grek do të dorëzohen në përgjigje të plotësimit dhe pjekurinë e 20 viteve që kanë kaluar që nga nënshkrimi i paktit të mëparshëm të miqësisë dhe bashkëpunimit mes dy vendeve në vitin 1996.

Çështjet kryesore për t’u zgjidhur janë ndarja e Zonës Ekonomike Ekskluzive (EEZ) midis Greqisë dhe Shqipërisë, problemet e pronësisë që ekzistojnë në të dy anët, si dhe mbledhja e eshtrave të rreth 11.000 ushtarëve grekë të cilët u vranë gjatë luftës italo-greke (1940-41) në territorin shqiptar. Kjo e fundit sipas gazetës Kathimerini mbetet e pazgjidhur qysh nga regjimi i kaluar pavarësisht nga fakti se raste të ngjashme (të tilla si ushtarët italianë të cilët janë në Shqipëri) janë mbyllur shumë kohë më parë.

Në paketën e propozimeve do të përfshihen edhe kërkesa për mbrojtjen e të drejtave të minoritetit grek në Shqipëri, ku sipas gazetës gjatë muajve të fundit, pavarësisht presionit të vazhdueshëm nga Athina, janë shënuar shkeljet të të drejtave fetare dhe politike. Sipas gazetës një pikë kyçe në propozimin grek është edhe nevoja për të mbyllur këto çështje dypalëshe sa më shpejt të jetë e mundur, para fillimit të negociatave për integrimin e Shqipërisë në Bashkimin Evropian. Athina dëshiron zgjidhje “të pastër” për çështjet bilaterale, në mënyrë që hyrja e Shqipërisë në BE të mos shoqërohet me problematika të mbetura pezull.  Kotzias do të vizitojë Tiranën për të dytën herë në një vit, ndërsa homologu i tij shqiptar Ditmir Bushati u prit në Athinë marsin e kaluar me një axhendë bashkëpunimi për refugjatët.

http://www.kathimerini.gr/860770/article/epikairothta/politikh/protash-p…

“Është koha për t’u shqetësuar?”: Këtë pyetje bën Instituti që në bazë të sondazheve vëren një avantazh prej 0.2 për qind të kandidatit republikan Donald Trump ndaj rivales demokrate Hillary Clinton.RealClearPolitics SHBA (RCP) sintetizon sondazhet e opinionit për të matur popullaritetin e pretendentëve për Shtëpinë e Bardhë.

Në përllogaritjet e fundit, (duke sintetizuar pesë anketa të kryera në periudhën mes 13 dhe 19 majit) Donald Trump kryeson me  43.4%  ndaj  43.2% të Hillary Clinton. Dy pretendentët për Shtëpinë e Bardhë duket se kanë popullaritetin më të ulët në krahasim me fushatat e mëprshme  për presidencën e Shteteve ë Bashkuara

Diefernca mes dy kandidatëve është shumë e vogël dhe ai që ka njohur rritje të popullaritetit ka qenë miliarderi Trump, i cili po fiton epërsi ndaj ish-sekretares së Shtetit. Ndonëse janë ende në garë për t’u shpallur kandidat në partitë respektive Trump e Klinton përtej çdo të papriture do të jenë dy rivalët për Shtëpinë e Bardhë. Fakt është se 41 % e të pyeturve kanë mendim pozitiv për Clinton dhe 56 % mendim negativ. Të njëjtat shifra janë edhe për Donald Trump. Ky i fundit pavarësisht polemikave në distancë me kryeministrin britanik ka marrë ftesë për të vizituar Londrën. E pyetur për ftesën zyra e kryeministrit britanik tha se kjo është një praktikë që ndiqet me kandidatët për President të Shteteve të Bashkuara.

Burimi VOA

Ministri i Industrisë dhe Energjitikës Damian Gjiknuri ishte i pranishëm sot në forumin “Projektet lider dhe modelet e reja të menaxhimit”. Në fjalën e mbajtur ministri deklaroi se me rëndësi për vendin tonë është projekti për interkonjuksionin Shqipëri-Kosovë, duke  bërë me dije se shumë shpejt do të vihet në funksion TEC-i i Vlorës përmes partneritetit publik privat.

“Do të hapë mundësi për vënien në punë të një aseti tjetër strategjik tonin që ka qenë fantazmë, siç është TEC-i  i Vlorës. Ne kemi siguruar fondet për studimin e fizibilitetit, madje shumë shpejt do të kemi mundësinë e afrimit të partnerëve privatë. Kemi synimin që të gjejmë një operator privat nëpërmjet partneritetit publik-privat që të marrë përsipër vënien në punë, riparimin, investimin e nevojshëm për konvertimin me gaz, megjithëse ato punojnë edhe me naftë edhe me gaz”, deklaroi Gjiknuri.

Termocentrali i Vlorës përfundoi së ndërtuari në vitin 2009, me një investim prej 110 milionë eurosh nga shteti shqiptar dhe u vu në punë vetëm për 2 vjet, për shkak se shfaqi një defekt në sistemin e ftohjes së tubacioneve. Në fakt KESH nuk e ka marrë ende në dorëzim TEC-in e Vlorës nga kompania ndërtuese, pasi ka probleme me impiantet e ftohjes, dhe palët gjenden në arbitrazh ndërkombëtar. Ky projekt ka nisur në vitin 2004 me një kredi prej 92 milion të Bankës Botërore, që shlyhet tashmë nga taksapaguesi shqiptarë. I planifikuar për të funksionuar me naftë, ai rezultoi me kosto të lartë të prodhimit të energjisë. Tani pas më shumë se 12 vitesh TEC-i kërkon para të tjera shtesë për ta kthyer teknologjinë nga me naftë, me gaz.