Analisti amerikan: Afrimi mes Ramës dhe Vuçiç, nuk është ‘i shëndetshëm’

“Nëse kjo nismë do të ishte kaq e mirë dhe do të kishte të bënte vetëm me fitimin e parave, të gjitha këto vende do të bashkoheshin. Ky afrim mes Ramës dhe Vuçiqit nuk është edhe aq i “shëndetshëm”.

Edward Joseph, analisti amerikan i politikave të jashtme në universitetin  me një eksperiencë 15 vjeçare në Ballkan, e sheh aspak të shëndetshme, afrimitetin mes kryeministrit Edi Rama dhe presidentit serb Aleksandër Vuçiç.

Në një intervistë për Radio Evropa e Lirë, Joseph shprehet se polemika që “Serbia e Madhe” të inkurajojë krijimin e “Shqipërisë së Madhe”, mund të jetë e rrezikshme për rajonin. Sipas tij, konceptet “Serbi e Madhe”, “Shqipëri e Madhe” apo ndarjen e Bosnje-Hercegovinës, nuk i kërkon Perëndimi, por Kina dhe Rusia.

“Nëse kjo nismë do të ishte kaq e mirë dhe do të kishte të bënte vetëm me fitimin e parave, të gjitha këto vende do të bashkoheshin. Ky afrim mes Ramës dhe Vuçiqit nuk është edhe aq i “shëndetshëm”. Domethënë, duhet përkujtuar se “Serbia e Madhe” çon në krijimin e “Shqipërisë së Madhe”, dhe anasjelltas. Kjo është një dinamikë shumë e rrezikshme dhe ajo thyhet në Kosovë, në lumin Ibër, gjë që do të çonte në ndarjen në “Serbinë e Madhe” dhe “Shqipërinë e Madhe”. Nuk është në interesin e Perëndimit që të krijohet “Shqipëria e Madhe”, “Serbia e Madhe” dhe ndarja e Bosnjë e Hercegovinës në tri pjesë. Kjo është në interesin e Rusisë dhe Kinës, por jo edhe të Perëndimit”, ka thënë Joseph për REL.