Sport
Novak Djokovic: Nuk jam kundër vaksinimit, por do sakrifikoj trofe nëse më detyrojnë ta marr
Novak Djokovic ka folur për herë të parë pasi u dëbua nga Australia duke thënë se më mirë do të humbiste trofetë e ardhshëm të tenisit sesa të detyrohej të merrte një vaksinë kundër Covid.
Duke folur për BBC, ai tha se zgjedhja e tij nuk duhet të lidhet me lëvizjen anti-vax, por mbështet të drejtën e një individi për të zgjedhur.
Kur u pyet nëse do të sakrifikonte pjesëmarrjen në gara të tilla si Wimbledon dhe French Open lidhur me qëndrimin e tij ndaj vaksinës.
“Po, ky është çmimi që unë jam i gatshëm të paguaj,” u përgjigj ai.
20 herë fituesi i Grand Slam-it u dëbua nga Australia muajin e kaluar pasi qeveria ia anuloi vizën me radhë për statusin e tij të vaksinës.
“Unë kurrë nuk kam qenë kundër vaksinimit,” i tha ai BBC-së, duke konfirmuar se ai kishte bërë vaksina si fëmijë, “por unë gjithmonë kam mbështetur lirinë për të zgjedhur për atë që vendosni në trupin tuaj.”
