Pse shikoj ëndrra të frikshme gjatë dhe pas shtatzanisë?

Djali im ka pak kohë që ka bërë një vjeç. Gjatë katër muajve të fundit të shtatzanisë dhe pesë muaj pas lindjes, unë zgjohesha në mes të natës duke bërtitur. I kërkoja bashkëshortit të ndizte dritat, sepse më dukej sikur shikoja merimanga kudo.

Ka një muaj që më është rikthyer kjo gjendje. Çfarë po ndodh me mua?

Ëndrrat zakonisht janë një pasqyrim i emocioneve të tjera në jetën tuaj, kështu që ndoshta këto ëndrra reflektojnë ankthin që përjetoni gjatë ditës.

Në shtatzani, sidomos gjatë tremujorëve të mëvonshëm, ëndrrat bëhen më reale dhe të shumta, sepse rritja e niveleve të progesteronit lidhet me ëndrrat më intensive.

Në këto raste duhet të këshilloheni me mjekun e përgjithshëm, sepse mungesa e gjumit nuk është e mirë për askënd, aq më tepër për një nënë me fëmijë të vogël.