Nëse keni përjetuar ndonjëherë një dridhje të syrit e dini se sa e bezdisshme mund të jetë. Dridhja e syrit është një tkurrje e pakontrollueshme e muskujve të qepallave.

Trajtimi për një shtrëngim të qepallave varet nga sa e rëndë është. Nëse dridhja është e lehtë, ka gjëra që mund t’i provoni në shtëpi përpara se të shkoni te mjeku.

Dridhjet e vogla të qepallave mund të kenë një sërë shkaqesh, duke përfshirë:

Stresi

Kafeina

Lodhja

Alergjitë

Sy të thatë

Të ushqyerit e dobët

Problemet e shikimit (të tilla si gabimet refraktive të pakorrigjuara)

Dridhjet më të rënda të syve zakonisht shoqërohen me blefarospazmën, e cila ndodh kur truri juaj nuk mund t’i kontrollojë siç duhet muskujt e qepallave. Blefarospazma e rëndë mund të zgjasë deri në disa javë dhe duhet të vlerësohet nga një neuro-oftalmolog.

Simptomat

Një shtrëngim i vogël i syve është një spazmë e pakontrollueshme e qepallave që mund të vijë dhe të shkojë për disa ditë, pastaj të zhduket vetë.

Një dridhje e rëndë e syve zgjat shumë më gjatë dhe zakonisht nuk largohet. Qepalla mund të tkurret aq fort sa që i gjithë syri hapet dhe mbyllet plotësisht, pa pushim. Një dridhje e rëndë e syve bëhet jashtëzakonisht e bezdisshme, duke ndërhyrë në jetën e përditshme.

Si mund ta trajtoni?

Hapi i parë në trajtimin e një dridhje të syrit është të identifikoni se çfarë e shkakton atë. Për të trajtuar dridhjet e vogla të syve:

Mundohuni të eliminoni stresin në jetën tuaj të përditshme.

Kufizoni kafeinën.

Flini mjaftueshëm dhe bëni pushime të shpeshta nga kompiuteri.

Aplikoni kompresa të ngrohta në syrin që dridhet dhe masazhoni butësisht qepallën me gishta.

Trajtimi për dridhjet e rënda të syrit mund të përfshijë injeksione Botox për të paralizuar muskujt e syrit, medikamente për të relaksuar muskujt ose kirurgji për të hequr muskujt e syrit që ndikojnë./ VerywellHealth