Aerobia, e cila ka lindur në vitet ’80, bën të mundur të ushtrohen lëvizje të kulturës fizike me ritmin e një muzike shumë të gjallë.

Nëpërmjet saj synohet të përsëriten shpesh dhe në mënyrë të lehtë lëvizjet e muskulaturës në mënyrë që të zhvillohet forma dhe tonusi.
Duke qënë kryesisht e efektshme për këmbët dhe trupin, aerobia forcon bustin dhe e vë në formë gjithë trupin. Në qoftëse përdoren edhe girat, shtohen në mënyrë të konsiderueshme forca dhe rezistenca.

Kohëzgjatja e një seance është nga 45 minuta deri në 1 orë. Më tepër frymëmarrje dhe më tepër rezistencë. Kjo është sfida e dyfishtë.
Aerobia ka brënda saj kërcimin dhe gjimnastikën dhe shoqërohet me vrapime dhe kërcime.
Nuk këshillohet për fillestarët dhe të gjithë ata që kanë probleme lombare, me gjunjtë apo me tendinat e pjesës midis kofshës dhe pulpës së këmbës.

Aerobia me ritëm fank.
Aerobia me ritëm fank vlerësohet në veçanti nga të rinjtë, ndërsa aerobia “Low impact” është për fillestarët dhe të moshuarit. Kjo aerobi dallohet për kontaktin e butë me dyshemenë dhe ritmin e një muzike më të qetë., gjë që bën të mundur të kontrollosh më mirë lëvizjet.

Step-aerobics
“Step-aerobics” janë më pak të orientuara nga kërcimi dhe janë të përshtatshme për fillestarët dhe të moshuarit.
Përmirësimi i formës arrihet duke shtuar intensitetin e seancave sipas mundësive të secilit.
Duke ushtruar vrapimin, notin, biçikletën apo thjesht ecjen, rriten aftësitë e rezistencës dhe pakësohen problemet kronike të këmbëve dhe artikulacioneve.