Ju ka ndodhur t’ju shtohen rrahjet e zemrës pasi keni pirë kafe? A ka arsye për t’u shqetësuar? Kafja përmban kafeinë, një stimulues natyral për trupin dhe sistemin nervor qendror. Kjo rrit më tepër vigjilencën, dhimbjen e kokës, nervozizmin, rrahjet e zemrës dhe mund të shkaktojë edhe marrje mendsh.

Njerëzit reagojnë ndaj kafeinës në mënyra të ndryshme. Disa nuk përjetojnë asnjë simptomë, ndërsa të tjerë kanë një sërë simptomash. Shpesh mënyra se si reagoni ndaj kafeinës ka të bëjë me sasinë që jeni mësuar të pini.

Edhe pse efektet e kafeinës mund të shkaktojnë rrahje më të shpejta të zemrës, ky efekt nuk ka gjasa të shkaktojë probleme shëndetësore. Gjetjet e një studimi tregojnë se ata që pinin kafe katër herë ose më shumë në ditë kishin 18 %  më pak gjasa të përjetonin rrahje të parregullta të zemrës në krahasim me ata që nuk pinin kafe.

jetjet e studimit nuk tregojnë domosdoshmërisht se kafeja ka një efekt mbrojtës në zemër, por nuk ka të dhëna se shkakton efekte të dëmshme në zemër. Do të duheshin 80 deri në 100 filxhanë kafeje për të shkaktuar një dozë vdekjeprurëse nga kafeina.

Por nëse e konsumoni në sasi të moderuara, kafja nuk është një substancë e rrezikshme, edhe pse mund të shkaktojë rrahje të shtuara të zemrës. Megjithatë, efektet stimuluese mund t’ju bëjnë të keni vështirësi për të fjetur ose t’ju shkaktojnë probleme me stomakun e të përzierat. Dhe kjo gjë që mund të ndikojë në shëndetin dhe mirëqenien tuaj të përgjithshme.