Si të humbim peshë ? 4 hapa drejt suksesit, kjo do t’ju bëjë të ndiheni më mirë

Një peshë e shëndetshme mund të jetë një numër i ndryshëm për njerëz të ndryshëm. Mosha, gjatësia, trupi, gjinia dhe faktorë të tjerë merren parasysh për të vendosur se cila është pesha ideale për ju.

Nëse jeni mbipeshë ose obez (me peshë të paktën 20% më të lartë se sa duhet), mund të keni probleme serioze shëndetësore. Ka hapa që mund të ndërmerrni për të humbur peshë dhe për të arritur një peshë të shëndetshme për ju.

✅Vendosni synime të arritshme
Qëllimi për të humbur shumë peshë mund të jetë dërrmues. Përpiquni të vendosni objektiva më të vogla dhe më të menaxhueshme për humbje peshe. Në vend që të përpiqeni të humbni 15 kilogramë, synoni të humbni 5 kilogramë. Kur të arrini këtë qëllim, shkoni për 5 kilogramë të tjerë dhe kështu me radhë, derisa të arrini peshën tuaj të synuar.

✅Sukseset e vogla
Humbja e vetëm 5-10% të peshës tuaj nëpërmjet më shumë aktivitetit fizik dhe një diete më të shëndetshme mund të çojë në përfitime të rëndësishme shëndetësore. Nëse tani peshoni 100 kg, humbja e 5-10% të peshës suaj do të thotë se do të humbni rreth 13-25 kg. Humbja e kësaj përqindje të peshës suaj mund të zvogëlojë rrezikun e diabetit, sëmundjeve të zemrës, goditjes në tru. Ju gjithashtu mund të keni më shumë energji, të ndiheni më pak të lodhur dhe të keni më pak dhimbje fizike.

✅Të ngadalta dhe të qëndrueshme
Dietat ekstreme dhe ushtrimet e tepërta zakonisht nuk çojnë në humbje të qëndrueshme në peshë. Ato janë shumë të vështira për t’u ruajtur në afat të gjatë. Njerëzit që humbin peshë dhe e mbajnë atë zakonisht kanë humbje të ngadaltë dhe të qëndrueshme në peshë. Ndryshoni ngadalë zakonet tuaja të të ngrënit dhe rrisni aktivitetin fizik. Mos prisni të humbni peshë shtesë shumë shpejt. Ekspertët e shëndetit rekomandojnë humbjen e rreth 2 kilogramëve në javë për shumicën e të rriturve.

✅Festoni momentet kryesore
Humbja e peshës 5-10% është e mirë për shëndetin tuaj, por mund të mos jetë e mjaftueshme. Ju mund të keni një imazh negativ për trupin tuaj ose mund të mos ndiheni rehat me të. Ndoshta ju jeni fokusuar te numri dhe nuk është pikërisht aty ku dëshironi të jeni. Krijimi i një mjedisi pozitiv për të qëndruar i motivuar për humbje peshe mund të jetë i vështirë. Festimi i momenteve historike gjatë rrugës mund të ndihmojë.

Kur të arrini humbjen e parë prej 5 kg, për shembull, shpërblejeni veten me një masazh, shkoni shikoni një film, shijoni një udhëtim ose gjeni mënyra të tjera pa kalori për të festuar arritjen tuaj. Ju mund ta shpërbleni veten me piketa për humbje peshe që tregojnë se po përmirësoni shëndetin tuaj të përgjithshëm.