Mix
Gigi Hadid publikon foton e Zayn Malik me vajzën e tyre
Gigi Hadid publikon foton e Zayn Malik me vajzën e tyre
Të dielën, më 19 qershor, u festua Dita e Baballarëve në SHBA. Shumë të famshëm uruan baballarët ose partnerët e tyre dhe nuk munguan postimet as nga Gigi Hadid. Supermodelja postoi një foto dhe një urim për babain e saj, Mohamed Hadid.
“Gëzuar ditën e babait, babit tim të ëmbël. Të dua,” -shkroi ajo.
Më pas Gigi ndau një foto ku dukej pjesërisht Zayn Malik dhe vajza e tyre Khai. Ata shfaqen në shtëpi duke vizatuar në dysheme së bashku.
“& Babait të Khai-t!” shtoi ajo, duke i uruar festën ish-partnerit.
Gigi dhe Zayn u ndanë në tetor të vitit 2021 pas një incidenti që ndodhi mes Malik dhe nënës së Gigi-t, Yolanda Hadid. Gigi nuk ka postuar shumë për të apo lidhjen e tyre që atëherë, por duket se të dy ruajnë një marrëdhënie miqësore duke qenë të pranishëm në jetën e vajzës së tyre Khai.
Gigi ka treguar se nuk dëshiron ta ndajë publikisht imazhin e Khai-t, prandaj edhe fotoja e fundit ishte e prerë.
