Është mesi i ditës dhe ndiheni aq shumë të lodhur sa gjithçka doni është vetëm të flini. Është pagjumësia apo ndonjë shkak tjetër që ju bën të ndiheni aq të plogësht? Zbuloni disa nga shkaktarët kryesorë të lodhjes dhe filloni të merrni masa.

Keni nevojë për një ndryshim të mënyrës së jetesës

E para, i bëni pyetje vetes? A po e trajtoni trupin siç duhet?

3 janë shtyllat e shëndetit: gjumi, dieta dhe aktiviteti fizik. Nëse nuk bëni një gjumë të qetë, është më e vështirë që të ushqeheni shëndetshëm dhe të stërviteni. E njëjta është edhe për të anasjellën. Janë të gjitha të lidhura me njëra-tjetrën.

Prandaj përpiquni që të flini mjaftueshëm. Të rriturit duhet të flenë 7-9 orë në natë. Konsumoni një dietë të balancuar me fruta, perime dhe proteina. Si dhe kryeni aktivitet fizik rregullisht.

Nëse i keni marrë të gjitha këto masa dhe përsëri ndiheni të plogësht, është koha që të kontrolloni shkaqet shëndetësore të lodhjes.

Shfletoni galerinë për të zbuluar disa nga sëmundjet që kanë si shenjë të parë lodhjen.

Anemia

Është një patologji që vështirëson kalimin e gjakut dhe oksigjenit në të gjithë trupin. Një formë e saj është quajtur anemia si pasojë e mungesës së hekurit.

Hekuri vepron si një tren me vagonë që transporton oksigjenin në gjak. Njerëzit që kanë nivele të ulëta të hekurit nuk kanë mjaftueshëm vagonë. Ata ndihen të lodhur, të plogësht, kanë marramendje kur qëndrojnë në këmbë, kanë rrahje të shpejta zemre dhe mungesë përqendrimi.

Anemia mund të diagnostikohet edhe me një analizë të thjeshtë të gjakut.

Diabeti

Nuk dihet me siguri se përse diabeti shkakton lodhje tek njerëzit. Megjithatë ekspertët thonë se një arsye është sepse trupi përdor shumë energji për të përballuar ndryshimet e vazhdueshme në nivelet e sheqerit në gjak.

Lodhja është një nga simptomat më të zakonshme të diabetit. Ka edhe shenja të tjera, gjithashtu, si etja e shtuar, nevoja e shpeshtë për të shkuar në tualet etj.

Probleme me tiroiden

Është një gjëndër në formë fluturze e vendosur në qafë. Kjo gjëndër ndihmon në prodhimin  një hormoni që kontrollon mënyrën si i përdorni energjitë. Nëse gjëndra e tiroides është jashtë kontrollit, edhe ju ndiheni si të tillë.

Njerëzit që vuajnë nga hipotiroidizmi (tiroide jo mjaftueshëm aktive) ndihen të lodhur dhe të plogësht. Duke qenë se qelizat nuk janë duke funksionuar siç duhet, reflekset e tyre janë të ngadalta.

Sëmundjet e zemrës

Lodhja e tepërt është një simptomë e zakonshme e infarktit digjestiv në zemër, që ndodh kur ky organ jetësor nuk pompon aq mirë sa duhet. Nëse e keni këtë problem, gjendja fillon të përkeqësohet edhe më shumë kur stërviteni. Mund të keni gjithashtu ënjtje në duar ose këmbë, si dhe probleme me frymëmarrjen.

Apnea e gjumit

Kjo patologji vështirëson mbushjen me oksigjen kur flini, që do të thotë se nuk pushoni aq sa duhet gjatë natës.

Truri e kupton kur nuk e nxirrni dyoksidin e karbonit dhe ju zgjon në një gjendje alarmi. As nuk e kuptoni këtë, prandaj e keni të vështirë që të kuptoni përse ndiheni aq të përgjumur gjatë ditës.

Menopauza

Nëse jeni afër kalimit në fazën e menopauzës, e keni më të vështirë që të bëni një gjumë të qetë. Në këtë periudhë të jetës ka një luhatje të madhe të hormoneve, që ju shkaktojnë djersitje gjatë natës dhe afshe të nxehta.

Prandaj zgjoheni shpesh gjatë natës dhe ndiheni të përgjumur gjatë ditës.

Depresioni

Depresioni mund të ulë nivelet e energjisë dhe shkakton ndjesinë e lodhjes dhe plogështisë gjatë ditës. Mund ta keni gjithashtu të vështirë që të bëni një gjumë të rehatshëm gjatë natës ose të zgjoheni në mëngjes herët kur doni.

Kjo për shkak të niveleve të ulëta të serotoninës, hormoni që rregullon orën e brendshme të trupit, të shkaktuar nga depresioni.

Flisni me mjekun nëse mendoni se po zhvilloni depresion. Ai mund t’ju ndihmojë me ndonjë ilaç ose terapi.

Burimi: WebMD