Si të kursejmë para ? Pyetjet që duhet t’i bëni vetes

Kur themi “shpenzim i kotë parash” e kemi fjalën pikërisht për ato, blerjet e tmerrshme emocionale për të cilat në fund pendohemi gjithmonë. Pavarësisht gjendjes së kuletës, në një moment të caktuar ti thjesht sheh diçka dhe para syve fshihen detyrimet, kursimet, llogari, të ardhurat, etj, etj. Si ta parandaloni këtë nëse ju është kthyer në zakon problematik?

1.Konsideroni një pastrim financiar për të rritur (promovuar) vetëdijen fiskale.

Nëse doni të reduktoni ose eliminoni shpenzimet emocionale, merrni parasysh një pastrim financiar. Zgjidhni një proces të ndalim -shpenzimit diku nga 7 deri në 21 ditë. Duke vepruar kështu, mund të rrisni vetëdijen tuaj për shpenzimet dhe të kurseni ca para.

Gjatë kësaj periudhe mos përdorni as karta krediti, mos shkoni në qëndra tregtare dhe harrojini aplikacionet online. Mos shpenzoni pas restoranteve apo bareve- përgatisni gjithçka në shtëpi dhe merreni me vete në punë. Kjo periudhë me mungesë shpenzimesh do t’ju fusë pak në mendime dhe do t’ju bëjë të reflektoni në lidhje me zakonet e shëndetshme të shpenzimeve. 

2. Bëni një plani parandalimi

Identifikoni njerëzit, vendet dhe gjërat që ju tundojnë sidomos kur vjen puna tek shpenzimet impulsive. Ndoshta po dilni me dikë të cilit doni t’i bëni përshtypje, ose thjesht ndodheni në një dyqan që s’i rezistoni dot apo ndikohesh nga blogerët në rrjete sociale. Nëse është ky rasti, duhet të bëni një plan parandalues. Bëni një shëtitje në vend të një darke ose kërkojini dikujt që di më shumë se ju nga financat t’ju bëj një plan.

3. Para se të prishni para bëjini vetes disa pyetje

– A ja vlen të shpenzoni para për këtë gjë apo shërbim? Nëse s’ka vlerë për ju, a e përballoni dot?

– A mund të më sjellë ky shpenzim më afër qëllimeve të mia personale, profesionale dhe financiare?

– A i shkon për shtat ky shpenzim me vlerat e mia? 

Provojeni këtë qasje për 1 javë. Në fund të javës vini re çfarë ka ndryshuar dhe a jeni më të vetëdijshëm se më parë përsa i përket financave.

Burimi: Psychology Today