Cristiano Ronaldo e ka përshkruar humbjen tragjike të djalit të tij si një nga momentet më të vështira të jetës, pasi ka mirëpritur njëkohësisht një vajzë me gruan, Georgina Rodriguez.

Sulmuesi i Manchester United foli për këtë pjesë delikate gjatë intervistës me Piers Morgan.

“Është ndoshta momenti më i keq i jetës sime që kur më vdiq babai. Kur ke një fëmijë, pret që gjithçka të jetë normale dhe kur e ke atë problem është e vështirë. Kur je qenie njerëzore siç jam unë. Unë dhe Georgina patëm një moment të vështirë sepse nuk e kuptojmë pse na ndodhi ne”, u shpreh Ronaldo.

Ai shtoi: “Unë u përpoqa t’i shpjegoj familjes dhe miqve të mi të ngushtë se kurrë nuk kam qenë i lumtur dhe i trishtuar në të njëjtin moment. Nuk jam ndjerë kurrë në atë mënyrë. Është e vështirë ta shpjegosh. Nuk e dini a të qani apo të qeshni”.

Cristiano qau, kur kujtoi momentin që ai dhe Georgina Rodríguez mbërritën në shtëpi pas lindjes së njërit prej binjakëve dhe vdekjes së tjetrit: “Gio erdhi në shtëpi dhe fëmijët filluan të thonë: ku është bebja tjetër…”

Cristiano Ronaldo zbuloi se e mban hirin e djalit të tij, së bashku me atë të babait, i cili vdiq në vitin 2005, në një kishë të krijuar në bodrumin e shtëpisë së tij: “Unë flas me ta gjatë gjithë kohës dhe ata janë pranë meje. Më ndihmojnë të jem njeri më i mirë, baba më i mirë. Jam krenar për këtë…, për mesazhin që më dërgojnë, veçanërisht djali im”.

"That moment was probably the most difficult moment that I have in my life."

Cristiano Ronaldo opens up about the devastating death of his baby son, telling Piers Morgan: "We don't understand why it happened to us."@cristiano | @piersmorgan | @TalkTV | #PMU pic.twitter.com/tOba0WJpBf

— Piers Morgan Uncensored (@PiersUncensored) November 15, 2022