Falë filmave biografikë për ikonat e së kaluarës si Marilyn Monroe, Lady Diana, por edhe Brigitte Bardot rivijnë në vëmendje trendet e asaj kohe. Pikërisht nga këto personazhe janë krijuar edhe trendet e flokëve për vjeshtë-dimër 2022/2023.

Më poshtë gjen pesë prerje flokësh nëse po kërkoje modelin perfekt.

Balluket e Birkin

Dakota Johnson, por edhe Lily Collins janë dy nga imitueset më të mira të këtij modeli.

Bob si Diana

Falë publikimit të dokumentarit “Spencer” dhe sezonit të pestë të “The Crown”, në periudhën e fundit vëmendja ndaj çdo detaji të stilit të princeshës Diana është rritur më tej. Vetëm se kjo prerje kërkon kujdes të shtuar në stilim.

Bob si Marilyn Monroe

Filmi biografik ‘Blonde’ i Netflix ka risjellë në modë stilin bob tipik të Hollivudit të vjetër që Marilyn Monroe e kishte për zemër. Një nga imitimet e tij më të mira në kohët moderne u realizua nga Florence Pugh në tapetin e kuq në Venecia.

Brachel Cut

Prerja e flokëve Brachel vjen nga krijimtaria e influencueses Shay Sullivan, e cila kombinon disa karakteristika të prerjes së flokëve të Brigitte Bardot, e cila gjithashtu është bërë virale në TikTok, dhe të tjera të prerjes së Rachel, e njohur si Jennifer Aniston në serialin televiziv Friends. Pra është një kombinim stilesh dhe rezultati është ky! Ndaj edhe quhet Brachel, nga Brigitte dhe Rachel.

Butterfly Cut

Modeli si flutur, frymëzuar nga Farrah Fawcet dhe risjellë në ditët moderne nga Sienna Miller, Eva Longoria dhe Heidi Klum.