Mund të mos jetë aq i famshëm sa fustani “i hakmarrjes”, por ky fystan ngjyrë vjollcë konsiderohet po ashtu një nga fustanet më ikonike të Princeshës Diana.

Ai u shit në Nju Jork të premten për plot 480,000 dollarë, katër herë më shumë se vlera fillestare e ankandit 120,000 dollarë.

Diana e veshi fustanin për një portret zyrtar mbretëror në vitin 1991, e po ashtu edhe për një intervistë me Vanity Fair në verën e vitit 1997, pak para vdekjes së saj.

Fustani në ngjyrë vjollce të thellë ishte pjesë e koleksionit të vjeshtës 1989 të Victor Edelstein, i cili dizajnoi edhe veshje të personalizuara për princeshën për më shumë se një dekadë.