Shefi i Samsungut në Mbretërinë e Bashkuar tha se nuk i ka dhënë vajzës së tij, telefon deri në moshën 11 vjeç.

“Është vendim i gjithsecilit se kur do t’i jepni telefon fëmijës suaj,” tha James Kitto.

Ai tha se pavarësisht moshës është e rëndësishme që prindërit të jenë të dinë që fëmijët e tyre, janë të sigurtë në internet.

“Çfarëdo zgjedhjeje që bëni dhe në çfarëdo moshe që e bëni atë zgjedhje për fëmijën tuaj, është e rëndësishme të siguroheni që, nëse ata hyjnë në internet, po e përdorin atë në një mënyrë të sigurt”, tha ai.

Kjo vjen pasi kryeinspektorja e Ofsted tha se ishte “e habitur” kur fëmijët e shkollave fillore kanë telefona inteligjentë.

Fëmijët deri në nëntë vjeç janë ekspozuar ndaj pornografisë në internet, zbuloi një studim këtë javë.

Një studim nga firma kërkimore Childëise sugjeron se tre të katërtat e nëntë dhe 10-vjeçarëve kanë akses në një telefon celular.

Një sondazh i publikuar së fundmi nxori në pah se në moshën nëntë vjeç, 10% e fëmijëve në Britani, kishin parë pornografi dhe 27% e kishin parë pornografi deri në moshën 11 vjeç.