A është vërtet një ceremoni ‘Oscars’ nëse Lady Gaga nuk është atje?

Aktorja dhe superylli botëror bëri një paraqitje (dhe performancë) surprizë në ceremoninë e 95-të të ‘Academy Awards’ mbrëmë. Fituesja e Oscar-it u nominua edhe një herë në kategorinë e këngës më të mirë për albumin e saj “Hold My Hand” nga filmi i vitit të kaluar “Top Gun: Maverick”. Nuk u konfirmua deri në ditën e ceremonisë se këngëtarja do të shfaqej pasi ajo ka qenë e zënë me xhirimet e vazhdimit muzikor të filmit ‘Joker’ të Todd Philipp të titulluar “Folie à Deux”, së bashku me Joaquin Phoenix. Lady Gaga iu bashkua të nominuarve për këngën më të mirë duke përfshirë Rihanna, Sofia Carson dhe Diane Warren, Stephanie Hsu, David Byrne dhe Son Lux, dhe Rahul Sipligunj dhe Kaala Bhairava për performanca të paharrueshme gjatë gjithë natës.

Për paraqitjen e saj në tapetin e shampanjtë, superylli veshi një fustan të ri nga “Versace”, me grim të guximshëm të syve dhe buzët e kuqe. Megjithatë, për performancën, Gaga u zhvesh – fjalë për fjalë – duke hequr të gjithë grimin e saj dhe duke zgjedhur një bluzë të zezë të thjeshtë, xhinse të grisura dhe një karrige, dhe zgjodhi të performonte një interpretim akustik të këngës.

“Ka heronj rreth nesh në vende të thjeshta,” tha këngëtarja përpara se të fillonte këngën. “Por ju mund të zbuloni se mund të jeni heroi juaj edhe nëse ndiheni të thyer brenda.” Performanca e saj po adhurohet në rrjetet sociale dhe fansat janë të lumtur me këtë guxim të këngëtares, duke u paraqitur pa gim dhe komplet e thjeshtë në një nga skenat më të lakmuara të Hollywood-it.

Më poshtë mund ta ndiqni të plotë performancën:

Lady Gaga’s performance of “Hold My Hand” at the #Oscars pic.twitter.com/pGOYF54mti

— Lady Gaga Updates (@LGTourNews) March 13, 2023