Mix
Belen Rodriguez zbulon sekretin e martesës me Stefano De Martino
Showgirl argjentinase Belen Rodriguez foli në një intervistë me Le Iene Inside për marrëdhënien e saj me Stefano De Martino dhe qasjen ndaj dashurisë.
Rodriguez, 38 vjeç, rrëfeu për disa dinamika për të cilat nuk kishte folur kurrë më parë, si për marrëdhënien me De Martinon, ashtu edhe për mendimet për monogaminë.
Belen Rodriguez dhe Stefano De Martino, ndër vite, kanë pasur një lidhje tërhiqe e mos e këput.
Belen Rodriguez tregoi se ka toleruar shumë herë, duke në kuptuar se thashethemet për tradhti s’kanë qenë të pabaza.
Megjithatë ata janë bashkë.
Të dy u martuan në vitin 2013 dhe kanë një djalë, Santiago De Martino, 9 vjeç.
Më pas çifti mori rrugë të ndryshme, duke u larguar dhe duke gjetur histori të tjera dashurie: Rodriguez ishte në lidhje me Antonino Spinalbese, me të cilin pati një vajzë, Luna Marì Spinalbese, e cila e konsideron De Martinon si xhaxha. Nga ana tjetër, De Martino ka pasur një lidhje me Gilda Ambrosio.
Pavarësisht ndarjeve të ndryshme, divorci midis Rodriguez dhe De Martinos, megjithatë, nuk përfundoi kurrë dhe të dy janë përsëri bashkë, ende të martuar.
“Dashuria për mua është kur mund të duash pa dhënë asgjë në këmbim”, shpjegoi Rodriguez, duke shtuar se “Monogamia? Ndonjëherë, për mendimin tim, duhet të bëni një pushim. Pse jo? Është një ide e mirë”.
