“Big Brother VIP Albania” këtë vit i ka përfshirë të gjithë, e sigurisht merita më e madhe i takon atij: Luiz Ejllit. 

Luizi madje ka përfshirë jo vetëm personazhe publike që kanë shprehur hapur mbështetjen për të, por edhe politikanë nga Sali Berisha te Erion Veliaj. 

E mbrëmjen e sotme edhe kryeministri i Kosovës Albin Kurti është pyetur mbi Luizin. Në një intervistë në “Debat Plus” kreu i qeverisë iu përgjigj pesë pyetjeve nga publiku, e mes tyre dikush e pyeste nëse e njihte Luizin. 

Por, për habi të shumëkujt, Kurti e mohoi ta njihte, teksa shtoi se ndoshta është edhe keq, pasi nuk po ndjekë diçka që ndjekë edhe populli. 

“Për besë nuk e di. Nuk e ndjek, ndoshta s’është edhe mirë se nuk po ndjek diçka që e ndjek populli, por nuk e di. Nuk e njoh”, tha Kurti.