Këshillat shpesh dëgjohen se si njerëzit e tjerë duhet të merren me diagnoza të ndryshme për sëmundje të ndryshme nga njerëzit që nuk janë mjekë.

E njëjta gjë është e vërtetë kur bëhet fjalë për peshën e trupit dhe shpesh dëgjohen këshilla të ndryshme, thotë mjekia Fatima Cody Stanford.

Megjithëse vërejtja juaj është me qëllim të mirë, ajo mund të ketë një efekt të dëmshëm në shëndetin fizik ose mendor të personit të cilit i drejtohet, shkruan “Live Strong”.

Stanford veçon disa nga gjërat që nuk duhet t’u thuash kurrë personave me mbipeshë:

-Jam i shqetësuar për shëndetin tuaj

Kur e thoni këtë, ju po pretendoni se personi nuk shqetësohet për mirëqenien personale edhe pse, në fakt, ai mund të shqetësohet jashtëzakonisht për shëndetin e tij. Ju shpesh nuk e dini cilat janë shkaqet e vërteta të mbipeshës. Njerëzit e shëndoshë nuk kanë nevojë për kritikë, ata kanë nevojë për maturi dhe ndjeshmëri, ashtu si çdo person tjetër.

-A duhet ta hani atë?

Stanford beson se nuk keni të drejtë të komentoni se çfarë ha një person, edhe nëse ai është partneri juaj, anëtar i familjes ose shoku juaj. Askush nuk e dënon një person të dobët nëse ai ha një tortë ose patate të skuqura. Kur pyet një person me mbipeshë nëse duhet ta hajë atë, në fakt po mendon se personi e ha vazhdimisht, megjithëse mund të mos jetë kështu.

-Ju jeni trim dhe i fortë

Të quash dikë të guximshëm pasi po përpiqet të merret me mbipeshën mund të tingëllojë si një kompliment, por ky koment mund të inkurajojë ndjenja të padëshiruara. Për disa, mbipesha fillon në fëmijëri dhe për të tjerët ajo zhvillohet pasi fillojnë të marrin ilaçe të caktuara ose si rezultat i ndonjë sëmundjeje.

-Nëse keni marrë një vendim të prerë, mund të humbni peshë

Humbja e peshës kur jeni i trashë nuk është një detyrë e lehtë. Ky keqkuptim zhgënjyes është një nga gjërat kryesore që zemëron Stanford.

“Çdo ditë shikoj luftën e pacientëve të mi – njerëz që përdorin çdo formë të trajtimit të bazuar në prova dhe ende luftojnë me mbipeshën e tyre. Shumë prej tyre përpiqen, por supozohet se nuk përpiqen mjaftueshëm ose se nuk bëjnë gjithçka që kanë në dorë. Është jashtëzakonisht e pamatur, injorante dhe e dëmshme“, thotë Stanford.

-A keni provuar të bëni ushtrime?

Njerëzit mendojnë se ata që luftojnë me mbipesha nuk ushtrojnë kurrë. Është e gabuar të konkludosh se ushtrimi është zgjidhje për të humbur peshë.

“Megjithëse ushtrimet forcojnë shëndetin kardiovaskular dhe mendor, për shumë njerëz nuk inkurajojnë humbje të qëndrueshme të peshës”, thotë Stanford.