Stormy Daniels thotë se Donald Trump nuk e meriton të burgoset për pagesën e bërë ndaj saj, e cila e çoi në gjykatë këtë javë për akuza penale.
“Unë nuk mendoj se krimet e tij kundër meje janë të denja për burgim.”, tha aktorja e filmave për të rritur, në një intervistë për Piers Morgan.

Ish-presidenti amerikan u deklarua i pafajshëm në seancën e gjyqit në Manhattan për 34 akuza për falsifikimin e të dhënave të biznesit. Akuzat për krime mbartin një dënim maksimal prej katër vjetësh. Avokati i zotit Trump i pagoi 130,000 dollarë zonjës Daniels përpara zgjedhjeve të 2016-ës për të blerë heshtjen e saj pasi dyshohej se kishte një lidhje me manjatin e pasurive të paluajtshme.

Zonja Daniels i tha Piers Morgan, se nuk mendon se ai e meritonte të mbahej pas hekurave për atë që bëri. Por ajo shtoi se nëse ai shpallet fajtor për krime të tjera për të cilat akuzohet, atëherë ai duhet të burgoset për të ndaluar të tjerët të mendojnë se mund të shpëtojnë si Trump.