Ju ka ndodhur ndonjëherë të shihni një ëndërr duke tradhtuar partnerin? Duket se kjo është një ëndërr mjaft e shpeshtë dhe shpesh profetike. Ekspertët e një agjencie takimesh në Itali kanë bërë një sondazh, për të gjetur lidhjen mes tradhtisë në jetën reale dhe asaj në ëndërr. Rreth 57% e të anketuarve thanë se kishin ëndërruar tradhtinë e partnerit para se të tradhtojnë në realitet.

Sipas studimit, kjo është një simptomë e mungesës së bashkëpunimit në çift dhe jo e një dëshire seksuale të kufizuar ndaj një personi të caktuar. Rreth 42% e atyre që dhanë këtë përgjigje, kanë deklaruar gjithashtu se kjo fantazi kishte si protagonist të saj një person të panjohur. Pjesa e mbetur, 15%, tha se kishte ëndërruar duke tradhtuar partnerin me një mik ose koleg. Nëse dyshoni se partneri juaj po ju tradhton, sigurohuni a takohet shpesh me njerëz të tillë. Madje një e treta e tradhtive ndodh me personat që i keni rreth jush.

Por së bashku me këto të dhëna është edhe një pjesë tjetër e të anketuarve, 28% e atyre që duke ëndërruar tradhtinë e partnerit, kanë mundur ta tradhtojnë atë edhe në realitet. Në këtë rast, ëndrra mund të interpretohet si një dëshirë e hershme, e cila më në fund ka gjetur hapësirën për të tradhtuar edhe në realitet. Me siguri të gjithë ose shumica mendoni dhe jeni të bindur se tradhtia nuk duhet falur.

Një studim i ri ka treguar se një numër i madh njerëzish nuk do ta falnin tradhtinë e partnerit të tyre. Studiuesit anketuan më shumë se 2 mijë persona përmes një faqeje interneti lidhur me pyetjen nëse do ta falnin partnerin për tradhtinë. Rezultatet tregojnë se të anketuarit kishin standarde të dyfishta në lidhje me atë që përbën sjellje të pranueshme për ta në raport me standardet e sjelljes.