Mbetet Lideri i Kullave të Lanës, në rolin e tij të natyrshëm

Në aktivitetin e mbajtur me rastin e 32 vjetorit të Partisë Socialiste, kryeministri Edi Rama ndër të tjera u shpreh se një nga arsyet që e bën atë krenar pëe atë parti është se ajo ka ndjekur përherë interesin kombëtar. Sot z. Rama në një dalje publike njoftoi anullimin e mbledhjes së përbashkët në Gjakovë, parashikuar për datë 14 qershkor. Zoti Rama u shpreh se: 

Ky është një komunikim i jashtëzakonshëm, i cili lidhet me takimin e nesërm të dy qeverive në Gjakovë. E kam informuar kryeministrin Kurti se në kushtet e agravimit të marrëdhënieve të Kosovës me krejt bashkësinë euroatlantike, ky takim nuk mund të mbahet ne kushtet e parashikuara. Pasi kam folur pasdite me shefin e diplomacisë europiane, Josep Borell, i kam kërkuar Albinit për t’u takuar nesër në Gjakovë, me një format më të ngushtë, përkatësisht me ministrat e Jashtëm dhe të Mbrojtjes

Dhe Kurti nuk ka pranuar ndryshimin e formatit, pasi siç mund të merret me mend nuk ka mall për Edi Ramën, as të jetë dekor i improvizimeve të tij.

Është një rol i natyrshëm ky për z. Rama që në emër të mandatit qeverisës pretendon se është interpreti ekskluziv i interesit kombëtar. Nuk do shumë mend të kuptohet se propozimi për Asocacionin dhe gjithë ndërhyrja e tij brutale dhe e pakërkuar për krizën në veriun e Kosovës, ishin edhe një përpjekje për të izoluar Kurtin dhe detyruar që ai ta anullonte mbledhjen. Nuk ndodhi dhe qyqja e Tiranës u detyrua të këndojë vetë. Të mos e marrim për të madhe. Është traditë e asaj partie të sillet kështu me Veriun dhe Kosovën edhe pse propagandën e ka të madhe.

Thjesht ne kemi konfirmimin e kësaj sjelljeje që koordinohet me humorin e Beogradit duke tradhëtuar faktin sesi një detyrim i vjetër është tashmë zakon politk. Ka për të lënë gjurmë ky helm i hedhur sot nga Tirana, me një mënyrë që është karakteriale e këtij njeriu i cili ka shumëzuar me zero çdo gjë në Kosovë.

Më mirë, mbeti për atë që është: lideri i kullave të Tiranës. Asgjë më shumë. 

/Respublica.al