Një raport rreth zbulimit të një kimikati që shkakton kancer në disa shampo të thata mund t’ju ketë bërë të rimendoni rutinën tuaj të kujdesit për flokët. Por ekspertët thonë se nuk ka një përgjigje të vetme për të gjithë se sa shpesh duhet t’i lani flokët, ose çfarë mund të bëni për t’i mbajtur ato në ditët e pushimit.

“Disa njerëz thjesht mendojnë se duhet t’i lajnë flokët çdo ditë ose do të kenë flokë shumë të yndyrshëm,” tha Dr. Anthony Rossi, anëtar i Shoqatës së Akademisë Amerikane të Dermatologjisë.

Sa shpesh duhet t’i pastroni flokët varet nga shumë faktorë, duke përfshirë llojin dhe stilin e flokëve, se sa i yndyrshëm tenton të bëhet skalpi juaj dhe nivelet e aktivitetit tuaj.

Rossi në përgjithësi u thotë pacientëve të tij se duhet të lajnë flokët një ose dy herë në javë.

Nëse skalpi juaj është shumë i yndyrshëm, mund t’ju duhet t’i lani një herë në ditë, sipas faqes së internetit të Shoqatës së Akademisë Amerikane të Dermatologjisë.

Mosha juaj gjithashtu mund të luajë një rol.

“Gjatë pubertetit ne kemi këtë rritje të hormoneve dhe kështu gjëndrat e yndyrës mund të zmadhohen, tha Rossi, – kështu që larja e flokëve më shpesh mund të jetë e dobishme,”.

Lëkura jonë prodhon më pak vaj ndërsa plakemi.

Flokët tuaj mund të jenë më të prirur për t’u tharë nëse janë kaçurrela. Larja e shpeshtë mund t’i përkeqësojë ato, kështu që flokët kaçurrela në përgjithësi nuk kanë nevojë të lahen çdo ditë. Por ju duhet t’i lani ato të paktën dy deri në tre herw në javë për të mbajtur lëkurën e kokës dhe flokët tuaj të pastër dhe të shëndetshëm.