Kendall Jenner thotë se ajo gatuan rregullisht për miqtë e saj.

Supermodelja bëri deklaratën e çuditshme në kopertinën e saj për WSJ, duke shpjeguar se një nga pjatat e saj të preferuara është pilafi me pulë dhe perime.

Aftësitë e Kendall në kuzhinë që nga koha kur nuk dinte të priste një kastravec në një episod të sezonit 2 të “The Kardashians” duket se kanë ndryshuar. “Më lejoni vetëm të them se e preva me sukses kastravecin. Pra, nëse dikush thotë se nuk mund ta pres kastravecin, e kam prerë dhe e kam bërë të shijshëm. Unë nuk lëndova askënd. Kështu që unë mund t’i pres kastravecat.”-tha ajo për kopertinën.

Ndoshta që atëherë ajo ka mësuar një teknikë më të mirë se ajo që e bëri atë virale në maj 2022.

Në atë kohë, Kendall, 26 vjeç, ishte në kuzhinë me Kris, duke kërkuar të hante një meze të lehtë. Pasi refuzoi të lejonte kuzhinierin e tyre t’i bënte asaj diçka për të ngrënë, Kendall filloi të priste kastravecin- një gjë që ajo e konsideroi “shumë të lehtë”.

“E di. Jam pak e frikësuar,” tha Kendall. “A nuk kanë fara kastravecat? Unë definitivisht nuk jam e mire për të prerë gjëra, ndaj mos më filmoni. Unë nuk jam aspak profesioniste.”

Skena pushtoi mediat sociale me njerëzit që nuk i kursyen memet. Në atë kohë, Kendall – e cila madje u vesh si një kastravec muaj më vonë për Halloween – iu bashkua shakasë duke postuar një video të incidentit dhe duke shkruar, “tragjike!”

Megjithatë, Khloé Kardashian zbuloi se motra e saj nuk ishte në të vërtetë e lumtur për skenën virale.