Zemra e artë e Taylor Swift, donacione në çdo ndalesë të turneut

Në moshën 33-vjeçare, këngëtarja Taylor Swift nuk është vetëm ylli i popit të momentit, protagonistja e një turneu botëror me vlerë një miliardë e gjysmë dollarë, por edhe një artiste me zemër prej ari.

Në çdo qytet ku ajo performon, këngëtarja dhuron mijëra dollarë në bankën e ushqimit për të ndihmuar njerëzit në nevojë.

Kur Rrjeti Ushqimor i Arizona Bank mori një telefonatë muaj më parë nga dikush që njoftonte një donacion nga Swift në përgatitje për koncertin në Arizona, vullnetarët e shoqatës menduan për një shaka e cila më tej vijoi në çdo ndalesë të turneut.

Rrjeti i Arizonës, falë parave të dhuruara nga artistja, mundi të dërgonte kamionë të ngarkuar me 20.000 kilogramë prodhime të freskëta për të ngrënë.

Nga Georgia në Michigan, nga Teksasi në Kaliforni, Eras Tour ofron ushqime për mijëra njerëz, si dhe shfaqje të paharrueshme për qindra mijëra fansa. Bujaria e Taylor vjen në një moment dramatik për rrjetin e Bankës Amerikane të Ushqimit, e cila bashkon qindra organizata jofitimprurëse, pasi me përfundimin e pandemisë Covid, kuponët e vakteve nuk shpërndahen më dhe kërkesat për ndihmë janë shumëfishuar.

Njerëzit janë të uritur dhe nuk dinë si ta përballojnë këtë emergjencë. Food Lifeline me bazë në Seattle, një organizatë tjetër që punon për të ndihmuar të varfrit, planifikon të përdorë fondet për të blerë ushqime të freskëta në komunitetet etnike në zonë falë donacionit të këngëtares, e cila performoi aty në muajin korrik.

Jo vetëm që Swift financon blerjen e ushqimit, por ajo po i shtyn bizneset dhe individët të ndjekin shembullin e saj.

Në Las Vegas, një tjetër ndalesë e turneut, u rritën donacionet për organizatat jofitimprurëse të qarkut të Bankës Ushqimore.

E njëjta gjë ndodhi në Los Angeles dhe Santa Clara, Kaliforni.