Tedi Blushi, Sekretar i Përgjithshëm i Partisë të Lirisë dhe anëtar i Këshillit Bashkiak të Tiranës denoncoi sot dhënien e 12 lejeve për kulla të reja në Tiranë, sipas tij, në fshehtësi të plotë, është krim, një gjenocid kulturor ndaj identitetit të Kryeqytetit tonë, në shkelje të Kushtetutës, të ligjit për konsultimit publik dhe të çdo parimi për mbrojtjen e vlerave të trashëgimisë historike dhe kulturore.

Blushi deklaroi se 12 monstra betoni më shumë do të thotë më shumë para për Ramën, Veliajn dhe klientët e tyre, por më pak oksigjen dhe më shumë sëmundje për mushkëritë e qytetarëve, më shumë shpërfytyrim për Tiranën, që gjithmonë e më shumë po asgjësohet nga babëzia, korrupsioni dhe paligjshmëria!

Reagimi i Blushit

Dhënia e lejeve për ndërtimin e 12 kullave të reja në Tiranë, në fshehtësi të plotë, është krim, një gjenocid kulturor ndaj identitetit të Kryeqytetit tonë, në shkelje të Kushtetutës, të ligjit për konsultimit publik dhe të çdo parimi për mbrojtjen e vlerave të trashëgimisë historike dhe kulturore.
Babëzia e shfrenuar e Edi Ramës dhe Erion Veliaj për të shkatërruar çdo hapësirë të gjelbërt dhe shfarosur çdo gjurmë historike të Tiranës, nuk është gjë tjetër veçse korrupsion dhe përfitim personal i tyre në kurriz të shëndetit të qytetarëve dhe të vetë kryeqytetit.
12 monstra betoni më shumë do të thotë më shumë para për Ramën, Veliajn dhe klientët e tyre, por më pak oksigjen dhe më shumë sëmundje për mushkëritë e qytetarëve, më shumë shpërfytyrim për Tiranën, që gjithmonë e më shumë po asgjësohet nga babëzia, korrupsioni dhe paligjshmëria!
Ky nuk është zhvillim! Është krim, genocid dhe shpërfytyrim i Tiranës!