Shenja e parë se tagri i PS-së qëndron mbi Kushtetutën

Ish-ministrja Olta Xhaçka ka dalë Top-Channel që të bilbilojë për demokracinë dhe rendin kushtetues. Sipas saj parlamenti dëshmoi se mban një standard për mandatin e deputetit pse është një organ sovran. Sipas zonjës Xhaçka deputetët votojnë lirshëm, ndërkohë që po sipas saj mandati nuk dorëzohet me një kërkesë postare. 

Pra diskrecioni i Partisë Socialiste fitoi mbi tagrin e Gjykatës Kushtetuese, vendimet e së cilës zbatohen. 
Në të njëjtën ditë, kryebashkiaku Veliaj ka deklaruar në një intervistë televizive se ishte befasuar nga mbrojtja që i bëri kryeministri, por siç tha ai: 

Ne jemi skuadër

Dy episode që ilustrojnë se në cilin drejtim po shkom vendi që aktualisht ka vetëm një pol pushteti që kontrollon gjithçka dhe një dritare që legjitimon ekzistencën e opozitës. 

Dëgjojeni zonjën Xhaçka, dëgjojeni edhe Erion Veliajn sepse përfaqësojnë kufirin e lëshimeve që mund të bëjë Edi Rama për SPAK dhe drejtësinë e re që aq shumë e trumbeton. Është gati e sigurtë tashmë së këta dy njerëz nuk preken më nga SPAK dhe që këtu ne duhet të kuptojmë se zoti Rama e ka të qartë se klubin e vet do ta mbrojë edhe me sakrificën e zhbërjes së çdo drejtësie. E vetmjq që do lëshohet këtej e tutje është Shqipëria që do të pranojë çdo lloj gjëje, vetëm e vetëm që pushteti në Tiranë të tolerohet. 

/Respublica.al