Legjenda e tenisit Roger Federer mori një doktoratë nderi në Kolegjin Dartmouth në SHBA të dielën. Në fjalimin e tij, Federer dha leksione frymëzuese për jetën përpara studentëve të sapodiplomuar.

Fjalimi i plotë:

Të diplomuar, e kuptoj dhimbjen tuaj

E di si ndihesh kur të pyesin, çfarë plani ke për pjesën tjetër të jetës

Ata më pyesin, tani që nuk je më tenist profesionist, çfarë do bësh?

Nuk e di. Dhe është ok mos ta dish

Pra çfarë do bëj me kohën time?

Së pari jam baba, kështu që ma merr mendja do çoj fëmijët në shkollë

Do luaj shah online kundër të panjohurve

Do fshij shtëpinë me fshesë korrenti

Për hir të së vërtetës, e dashuroj jetën e një tenisti ‘të diplomuar’

Disa mësime që kam nxjerrë përmes këtij tranzicioni

Le t`i quajmë leksione tenisi

Besoj të jenë të dobishme në jetën përtej Dartmouth

Ja ku është e para

Lehtësia është një mit

E them këtë si dikush që e ka dëgjuar shumë këtë fjalë

Lehtësia

Njerëzit mund të kenë thënë që loja ime ishte e lehtë

Në shumicën e kohës e kanë thënë atë si kompliment, por mua më ka stresuar kur kanë thënë, ai mezi djersiu

Unë nuk e di nga e gjeta këtë supertalent

Arrita aty ku isha duke u përpjekur t’u bëja ballë kundërshtarëve të mi

Unë besoj tek vetja, por besimi tek vetja duhet fituar

Po talenti është dhe po, talenti ka rëndësi

Nuk do dal këtu e t`ju them që jo, nuk ka rëndësi

Por talenti ka një përcaktim të gjerë

Shumicën e kohës nuk është si diçka që e ke dhuratë, por është kurajë

Në tenis, një forehand me shpejtësinë e duhur mund të quhet talent

por në tenis si në jetë, disiplina është gjithashtu një talent

dhe po kështu është edhe durimi ta shikosh veten si talent

të përqafosh procesin ta duash procesin është një talent

Të menaxhosh jetën, të menaxhosh veten

Mund të jenë talente gjithashtu

Disa njerëz kanë lindur me këto aftësi, por të gjithë duhet të punojnë me këto

Leksioni i dytë është vetëm një pikë

Më lejoni ta sqaroj

Ju mund të punoni më fort sesa mendonit se ishte e mundur dhe sërish të humbisni

Mua më ka ndodhur shumë herë

Tenisi është i vrazhdë

Për mua më i madhi ishte finalja në Ëimbledon në 2008-ën

Unë kundër Nadal

Disa e quajnë ndeshjen më madhështore të të gjitha kohërave

Ok, megjithë respektin që kam për Rafan, por mendoj se do të ishte shumë, shumë më mirë sikur unë të kisha fituar

Disa disfata dhembin më shumë se të tjerat

Unë e di që nuk do të kem më një gjuajtje tjetër gjashtë në një radhë

Unë humba Ëimbledon-in

Humba vendin e parë në renditje

Dhe njerëz me keqardhje thanë: Ai pati një rrugëtim të shkëlqyer

A është ky ndryshimi i gardës?

Po unë e dija se çfarë duhej të bëja

Të vazhdoja të punoja dhe të konkurroja

Në tenis, perfeksioni është i pamundur

Në 1526 ndeshje që luajta në karrierën time, unë fitova pothuajse në 80% të tyre

Tani kam një pyetje për ju

Sa % të pikëve mendoni se fitova në këto ndeshje?

Vetëm 54%

E vërteta është se çfarëdo loje që luan në jetë, ndonjëherë do duhet të humbasësh

Një pikë, një ndeshje, një sezon, një punë

Është një roller coaster me shumë ulje ngritje

Më të mirët në botë nuk janë më të mirët sepse fitojnë çdo pikë

Janë sepse ata e dinë që do të humbasin përsëri dhe përsëri dhe kanë mësuar si të përballen me këtë

Këtu është leksioni i tretë

Jeta është më e madhe se një fushë

Një fushë tenisi është një hapësirë e vogël

Që në nisje e dija se tenisi do më tregonte botën, por tenisi s`mund të jetë kurrë bota

Unë mezi po pres se ç`do të bëni ju më tej

Çdo lojë që të zgjidhni, bëni më të mirën

Kapni mundësinë, luani të lirë, provoni gjithçka

Mbi të gjitha jini të sjellshëm me njëri-tjetrin dhe bëni qejf

Urime edhe njëherë klasa e 2024-ës