Suedia filloi gjuetinë e saj vjetore të ujqërve këtë javë, duke lejuar që gati 10% e popullsisë së specieve të rrezikuara të vriteshin, pasi konservatorët ngritën shqetësime për politikën e diskutueshme.

Që nga viti 2010, Suedia ka lejuar gjuetinë e ujqërve në bazë të kuotave të licencuara. Konservatorët thonë se kjo bie ndesh me ligjin e Bashkimit Evropian dhe kanë paraqitur ankesa në Komisionin e BE-së, i cili më parë ka thënë se po vlerëson pajtueshmërinë e Suedisë.

Të gjuajtur deri pranë zhdukjes nga vitet 1970, ujqërit janë kthyer dalëngadalë në vendin e Evropës veriore, të ndihmuar nga legjislacioni i BE-së për mbrojtjen.

Por tani qeveria po lejon që 30 nga 375 kafshët e vlerësuara se ndodhen atje të asgjësohen, duke përmendur shqetësimet e sigurisë për banorët ruralë dhe pronarët e bagëtive.

Është pjesë e përpjekjes së qeverisë për të ulur në mënyrë drastike numrin e përgjithshëm të ujqërve në vend, nga një popullsi minimale e mëparshme prej 300 në një minimum të ri prej 170. Ky numër minimal, nën Agjencinë Suedeze për Mbrojtjen e Mjedisit, përmendet si një “referencë e favorshme.”

Kjo do ndodhë pavarësisht statusit të ujkut si “shumë i kërcënuar” në Listën e Kuqe Suedeze, e cila mbikëqyr rrezikun e zhdukjes së specieve në vendin nordik.

Konservatorët u alarmuan më tej muajin e kaluar kur komiteti i Konventës së Bernës të Këshillit të Evropës, i cili përfshin 49 vende dhe Bashkimin Evropian, votoi në favor të një propozimi të BE-së për të ulur statusin e mbrojtjes së ujqërve nga “të mbrojtur rreptësisht” në “të mbrojtur”. Konventa u krijua fillimisht për të mbrojtur speciet dhe habitatet.

Statusi i “mbrojtur rreptësisht” nënkuptonte se ujqërit nuk mund të vriteshin ose kapeshin qëllimisht, por me uljen e statusit, Këshilli i Evropës thotë se shtetet anëtare tani do kenë “mundësi shtesë” kur menaxhojnë popullatat e tyre lokale të ujqërve.

Fondi Botëror për Natyrën (ËËF) iu përgjigj vendimit, duke e quajtur lëvizjen e BE-së për të dobësuar mbrojtjen e ujqërve “një gabim serioz, pa ndonjë bazë të fortë shkencore”.

Konservatorët janë të shqetësuar se nëse numri i ujqërve zvogëlohet, do ketë një probabilitet edhe më të madh të problemeve gjenetike brenda popullatës.

“Një vend me 10 milionë banorë, me sipërfaqen tone prej 450,000 kilometra katrorë, një nga vendet më të pasura për frymë në botë, duhet të jetë në gjendje të ketë një popullsi të mirë të të gjitha kafshëve tona të egra,” tha Staffan Ëidstrand, drejtor menaxhues i organizatës Ëild Ëonders International.

Ai akuzoi qeverinë suedeze se kishte “një ndjenjë kundër kafshëve të egra”, duke thënë se kishte “një politikë shumë më agresive kundër mishngrënësve” sesa qeveritë e mëparshme.

Ministri suedez për çështjet rurale, Peter Kullgren, i tha CNN se qeveria kishte punuar për të ndryshuar politikën e ujqërve të vendit që nga ardhja në pushtet në 2022. Por disa konservatorë mendojnë se ujqërit po përdoren si një mjet negocimi politik.

Vetëm 3% e popullsisë suedeze janë gjuetarë, sipas Ëidstrand, i cili thotë se ata 300,000 njerëz janë “shumë të rëndësishëm” për dy blloqet kryesore politike të vendit, të cilët shpesh janë kokë më kokë në votime.