Ju josh ideja për të pirë disa filxhanë kafe gjatë ditës, por në të vërtetë sasia e tepër, do t’ju lërë pa gjumë gjatë natës.

Keni probleme me gjumin? Nuk po bëni gjumë të rehatshëm, apo nuk ju zë? Jeni të lodhur dhe s’ju merr gjumi? Dritare.net ka gjetur një zgjidhje të lehtë, dhe të shëndetshme për ju. Mos pini ilaçe për gjumë, por hani ushqime dhe flini si qengja!

Sipas një studimi, mënyra sesi ushqeheni ndikon edhe në lehtësimin, ose jo të gjumit në mbrëmje.

Dritare.net ka sjellë për ju më poshtë ushqimet që duhet të hani, për të fjetur rehat dhe të relaksuar.

TË DOBISHME PËR GJUMË

Qershitë

Sipas një studimi të kryer në Shtetet e Bashkuara të Amerikës, rezultoi se përmbajtja e qershive çonte në përmirësime të vogla në kohëzgjatjen dhe cilësinë e gjumit te të rriturit, që vuanin nga pagjumësia kronike.

Qumështi

Një gotë qumësht i ngrohtë mund t’ju ndihmojë për të bërë një gjumë të rehatshëm. Qumështi përmban aminoacid triptofan, një pararendës i serotoninës kimike të trurit. Janë të shumtë ata që besojnë se triptofani dhe serotoni mund ta bëjnë më të lehtë gjumin.

Bananet

Bananet ndihmojnë në nxitjen e gjumit sepse ato përmbajnë magnez dhe kalium relaksues natyral të muskujve. Ato gjithashtu do t’ju ndihmojnë edhe për të fjetur.

NUK REKOMANDOHEN

Çokollata e zezë

Çokollata nuk përmban vetëm kalori, por edhe kafeinë, veçanërisht çokollatë e zezë, ndaj edhe nuk rekomandohet që të konsumohet në mbrëmje. Në këtë listë bën pjesë edhe kafja. Natyrisht, njerëzit ndryshojnë në ndjeshmërinë e tyre ndaj kafeinës dhe kjo zakonisht bazohet në sa kafeinë ju jeni mësuar të konsumoni, por nëse jeni të vetëdijshëm se ju lë pa gjumë, atëherë bëni mirë ta shmangni.

Hamburgerët

Përmbajtja e yndyrës stratosferike e këtij ushqimi të shpejtë është e garantuar të jetë një vrasës i gjumit. Yndyra stimulon prodhimin e acidit në stomak, i cili mund të përhapet në ezofagun tuaj, duke shkaktuar urth.

Ndaj, edhe nëse doni të ruani shëndetin tuaj, duke përfshirë cilësinë e gjumit tuaj, atëherë duhet të shmangni fast food-et.

Vera

Alkooli i çdo lloji cilësohet i tmerrshëm për gjumë. Duke konsumuar një gotë verë në darkë, ju rrezikoni të zgjoheni disa herë gjatë natës.