Ka rënë Erion Veliaj në burg dhe bufët e kënetës janë zgjuar e shtuar. Po thonë se besueshmëria e SPAK ka rënë. Këta bufër, përfshirë ndonjë ish-ministër Drejtësie që e ka atë detyrë sa për CV, nuk e ngtitën zërin kur miratohej reforma në drejtësi. Dispozitat e.reja, gabimet etj. Jo, e përdorën atë si shpatë. Sot që u ka ardhur uji në bythën e vet, ngrenë zërin. 

Në këtë kope vajtuesish kanë një kord të posaçme gazetarë të ndryshëm që shkojnë përtej çdo logjike. 

Ilir Yzeiri, bacili alergo – akut i logjikës në median shqiptare kërkonte para disa ditësh shkrirjen e SPAK. 

Sot muzikën e vazhdon kreditori moral i gazetarisë: Carlo Bollino. Sipas këtij duhet një SPAK i dytë për tê kontrolluar të parin, meqenëse sipas tij aktualisht prokurorët e SPAK i heton vetëm SPAK. 

Çfarë ideje! Deri më sot prokurorët i ka hetuar prokuroria sepse ajo e ushtron ndjekjen penale. Dalin gazetarë e propozojnë shtim redaksional për hetimin. Ideja e z. Bollino huazohet nga karakteristika e Italisë, por kjo nuk ka sesi të aplikohet këtu. Aq më tepër që Edi Rama përqendroi edhe gjykatatat e Apelit  ndërkohë që vetë hodhi kritika ndaj Inspektorit të Lartë të Drejtësisë për çështjen e kontrollit të ligjshmērisë sē disa akteve tē SPAK. 

Shikoni spotin prezantues të ILD-së. Mund të vihet në veprim për çdo ankesë. Dhe z. Veliaj ankohet përditë në Facebook për prokurorin Dado, asnjëherë tek Inspektori që vetë megjithë fuqitë e jashtëzakonshme ka vendosur të fshihet. 

Pse nuk e vënë në veprim këtë mekanizëm? E thjeshtë: sepse ngaqë kanë llogari të hapura penale duan të promovojnë idenë e shkrirjes së SPAK. 

/Respublica.al