Përfitimet psikologjike të ushtrimit me sporte të ndryshme janë shumë domethënëse për impaktin që kanë në ekuilibrin tonë emocional. Si ecja e shpejtë, kërcimi, vrapi etj kanë aftësinë të rrisin prodhimin e dopaminës dhe serotoninës, dy neurotransmetues kyç në rregullimin e humorit. Edhe praktikimi i notit stimulon neurogjenezën, krijimin e neuroneve të reja të cilat favorizojnë kujtesën dhe përqëndrimin. Zhytja në ujë dhe lëvizjet fluide, të lehta lejojnë oksigjenimin optimal të trurit, duke përmirësuar kështu dhe kapacitetet tona mendore.

Noti, burimi i rinisë së trurit njerëzor.

Sipas neurobiologes Seena Mathew, noti ndihmon në rregullimin e pasojave të stresit në organizëm.Uji luan një rol pozitiv dhe çlodhës i cili ndihmon gjithashtu në pakësimin e ankthit dhe tensioneve të brëndshme e cila realizohet përmes çlirimit të endorfinave. Sipas një studimi të Universitetit të Harvard disa aktivitete sportive spikasin në veçanti. Ndër to, noti prezantohet si një nga sportet më të rekomanduara për mirëqenien e trurit. Një aktivitet fizik i cili nuk shërben vetëm në aspektin e mirëqenies tonë për paraqitjen fizike por ajo që është më e rëndësishmja dhe që i vënë theksin shumë studjues, është se noti është përcaktuar së fundmi si një nga sportet më fitimprurës në aspektin psikologjik të njerëzve duke shërbyer si një ilaç natyral për shpirtin dhe mendjen tonë.