Një qasje daneze synon t’i bëjë punëtorët të lumtur për të shkuar në punë.

Shkuarja në punë nuk është një moment i këndshëm i ditës për të gjithë. Megjithatë për t’iu qasur punës me një humor të përmirësuar, mund të mbështeteni te Arbejdsglæde, qasja daneze që mund të përkthehet si “gëzim i punës”.

Kultura nordike është shpesh një burim frymëzimi motivues kur bëhet fjalë për të jetuar faza të ndryshme të jetës në një dritë pozitive, dhe puna nuk bën përjashtim. Nëse një person nuk është i lumtur të shkojë në punë, ndoshta është për shkak se ai është konsumuar profesionalisht. Po një punëtor i pakënaqur bëhet gjithashtu një person i pakënaqur, i cili në mënyrë të pashmangshme hedh gjithë shqetësimin e tij në shoqëri.

Danezëve u pëlqen të ndihen të plotësuar në punë dhe ta ndajnë jetën e tyre private nga ajo profesionale.

Një studim i vitit 2015 i kryer nga Universiteti i Warwick zbuloi se punëtorët e lumtur janë deri në 12% më produktivë se mesatarja, duke e bërë të qartë se lumturia në punë është e lidhur thelbësisht me performancën, e cila rrjedhimisht reflekton në rezultatet e përgjithshme të biznesit. Kjo është arsyeja pse vetë rekrutuesit promovojnë Arbejdsglæde, e cila thekson ndërtimin e një mjedisi të shëndetshëm dhe pozitiv të punës, inkurajimin e ndërveprimit njerëzor, miratimin e politikave të fleksibilitetit, si dhe njohjen dhe festimin e arritjeve profesionale, me përfitime dhe bonuse.

Nuk është mister që një mjedis pune toksik ndikon negativisht edhe në shëndetin mendor; Në rastin e sondazhit Work in America, i promovuar nga Shoqata Amerikane e Psikologjisë, ky ishte rasti për 22% të punonjësve.