Lidhu me ne

Kryesore

Europa qeveriset nga njerëz sipërfaqësorë

untitledPatrick J. Buchanan

Nëse qëllimi i terrorizmi është të frikësojë, IS pati një javë të jashtëzakonshme. Brukseli, kryeqyteti i BE dhe qendra e komandës së Natos së fuqishme, është ende në panik dhe i mbyllur. “Bruksel, frika vazhdon”, lexonte një titull në Washinton Post, e cila vazhdonte: “Që kur Bostoni ndaloi aktivitetin pas shpërthimit të bombave në maratonën e Bostonit më 2013, jeta s’është frenuar në asnjë qytet tjetër perëndimor në këtë mënyrë nga frika e terrorizmit”. Poshtë kësaj ishte ky titull: “Pas Parisit, një fushatë e ndryshuar nga frika”. Ky artikull fliste për atë që ndodhte në garën tonë [amerikane] presidenciale: “Në gjithë vendin… ka pasur deklarata zemërimi dhe frike të pa para që pas sulmeve terroriste në Londër dhe Paris – ose në një farë mënyre që nga 11 shtatori 2001”.

Votuesit thonë se “ndihen më të frikësuar nga Shteti Islamik, më të tmerruar nga pamjet e prerjes së kokave dhe tmerreve të tjera”. Roger Cohen përshkruante në New York Times Parisin që ai e pëlqen: “Ata janë tronditur. Në rrugët e boshatisura ka një boshllëk, një dyshim në vështrimet vlerësuese, një mpirje e kujdesshme. Parisi është prekur nga mungesa – të vdekurit, sigurisht; vizitorët të larguar; mendjet të ngrira nga frika; dhe qetësia e humbur. Qyteti ndihet delikat”. “Franca mendoj se mbi të gjitha është goditur për atë që është”, shkruan Kohen, “dhe kjo është tmerruese… mendoj se Parisi nuk më është dukur kurrë më i çmuar ose i pasigurt sa gjatë javës së fundit”.

Pavarësisht sa e tmerrshme ishte masakra, pak perspektivë është e nevojshme. Ajo që ndodhi më 13 nëntor në Paris është se nëntë fanatikë të Shtetit Islamik, duke përdorur armë AK-47, vranë njerëz në restorante, një stadium futbolli dhe në një koncert. Numri 130 i viktimave është quajtur “sulmi më i keq në tokën franceze që nga Lufta e Parë Botërore”.

Megjithatë, nga gushti 1914 deri më nëntor 1918, Lufta e Parë Botërore, për 51 muaj vdiqën 850 çdo ditë, 1.3 milionë në katër vjet në një vend jo aq i populluar sa Franca e sotme. Më 22 gusht 1914, rreth 27 mijë ushtarë francezë vdiqën duke luftuar kundër pushtimit gjerman. Megjithatë Franca mbijetoi dhe i vendosi kushte Gjermanisë. Por ajo Francë ishte një vend i ndryshëm nga ajo e sotmja. Në Luftën tonë Civile, me një të dhjetën e popullsisë së sotme, vdiqën çdo gjatë katër vjetëve 400 amerikanë, nga Veriu dhe Jugu.

Thelbi i këtyre shifrave nuk është të zvogëlojmë tmerrin e Parisit, por është për të treguar se kur Jeb Bushi e quan sulmin e Parisit “një përpjekje të organizuar të shkatërrojë qytetërimin perëndimor”, ai u vesh armiqve tanë të ISIS fuqi që ata nuk e kanë. Vërtetë, terrori, frika, paniku dhe paraliza e shfaqur sot është në një farë mënyre më alarmues se vetë masakra. Rusia humbi dyfishin e njerëzve në avionin e hedhur në erë mbi malin Sinai që vdiqën në Francë. Por Rusia dhe Vladimir Putini nuk duken të terrorizuar. Çdo javë në Irak, terroristët marrin të njëjtin numër jetësh që humbën në Francë. Në luftën civile siriane kanë vdekur 250 000 vetë. Kjo kthehet në më shumë vdekje çdo ditë se ato që u vranë në Paris më 13 nëntor.

Çfarë i ka ndodhur Perëndimit që dikur sundonte botën? Krahasuar me Perëndimin, nga çdo anë – ushtarakisht, ekonomikisht, shkencërisht – Shteti Islamik është një hiç. Megjithatë, ajo që kanë islamistët është kjo: Nëse ata mund të arrijnë në Perëndim dhe janë të gatshëm të japin jetën, të mësojnë të përdorin një AK-47 ose të ndërtojnë një jelek vetëvrasës, ata mund t’i tmerrojnë njerëzit në Perëndim duke vrarë dhjetëra ose qindra.

Për dhjetë ditë, vrasësit e ISIS kanë dominuar lajmet e botës, në televizion, shtyp dhe media sociale. Me këtë ata kanë futur realisht frikë në zemrën e njeriut perëndimor. Fuqia e ISIS, e militantëve islamistë, e atyre që janë të gatshëm të vdesin për të përzënë “kryqtarët” nga tokat e tyre, duke vrarë të pafetë, duke vendosur sheriatin, duke sulmuar Perëndimin, gjendet në një boshllëk në shpirtin e Njeriut Perëndimor.

Shumë evropianë janë “njeriu i sipërfaqshëm” i përshkruar nga T. S. Eliot. Ata kanë mohuar fenë e tyre të Krishterimit, kanë kërkuar falje për mëkatet e prindërve të tyre dhe janë përpjekur të ofrojnë kompensim, kanë përqafuar La Dolce Vita, materializimin dhe hedonizmin, kanë shfrytëzuar për 70 vjetë mbrojtjen amerikane falas, s’bëjnë më fëmijë, u kanë hapur dyert njerëzve nga kolonitë e tyre të vijnë e të ripopullojnë vendet e tyre, dhe i kthyen krahët patriotizmit dhe përqafuan diversitetin dhe globalizmin. Ata futën botën brenda. Dhe bota vjen të gëzojë frutat e shtetit social të tyre dhe, një ditë, dhe një ditë do të përdorë konceptin perëndimor një votë-një njeri, për të sunduar vendet që sunduan paraardhësit e tyre. Të kolonizuarit po bëhen ngadalë kolonizatorë.

Sfida e ISIS nuk është e shëndetshme. Ajo do të na tregojë nëse Europa ka dëshirë të mbijetojë. Ndërsa, sa për Parisin, është koha të ecim përpara. Sepse, duke parë çfarë fitoreje kjo ishte për ISIS, të tjera masakra të tilla janë të paevitueshme.

Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Kryesore1 javë më herët

Bushati ia thotë në sy Berishës: Në Tiranë krimi s’ka ndikim dhe ju humbët thellë. Saliu: Komisionerët tanë i shitën zgjedhjet, se iu ikte koka

Sali Berisha, i ftuar në Syri Tv, iu përgjigj gazetarit Andi Bushati, i cili tha se pse u dorëzuan komisionerët...

Sport2 javë më herët

VIDEO: Kamionisti publikon pamjet e para pas aksidentit tronditës të Diogo Jota

Një kamionist ka filmuar makinën e tipit Lamborghini të portugezit Diogo Jota pak minuta pas aksidentit të mesnatës, teksa automjeti...

Radar2 javë më herët

Ish-kryeministri izraelit: Të ndalet lufta në Gaza, njerëzit po vriten në radhë për bukë

Ish-kryeministri izraelit Ehud Olmert, i njohur për qëndrimin e tij dialogues dhe për bashkëpunimin me intelektualë palestinezë si Sari Nusseibeh,...

Mix2 javë më herët

Elena Ferrante: Mos përgojoni gratë

Përktheu: Loreta Bërhami Si është e mundur, më pyesin njerëzit, që nuk njeh qoftë edhe një kurvë? Patjetër që njoh:...

Mix2 javë më herët

Kush nuk mund të hajë domate?

Fruti i kuq lëngshëm dhe freskues i mbushur me likopen është i dashur nga të gjithë dhe konsiderohet një ushqim...

Mix2 javë më herët

Boronicat, si t’i përdorni për uljen e tensionit të gjakut

Boronicat janë të ëmbla, ushqyese dhe shumë të shëndetshme. Këto fruta kaq të vogla i bëjnë kaq mirë trupit dhe...

Kryesore2 javë më herët

Humbja e thellë më 11 Maj – Lefter Maliqi: Duhen dorëheqje në PD! Nëse s’bëjmë analizë, Rama do na turpërojë përsëri

Nëse opozita nuk bën një analizë të thellë brenda vetes së saj me rigjenerim strukturash, dorëheqje të njerëzve që dështuan...

Mix2 javë më herët

Q5: Roboti i ri humanoid me AI të përparuar që bën gjëra të paimagjinueshme

Në vitet e fundit, robotika humanoide ka përjetuar një përshpejtim të paparë, me Kinën që po e vendos veten si...

Mix2 javë më herët

4 gjëra që bëjnë njerëzit autentikë pa u munduar fare

Carl Jung ka thënë: “Privilegji i jetës është të bëhesh ai që je vërtet.” Si qenie njerëzore, shumica prej nesh dëshirojmë të...

Mix2 javë më herët

Shenjat e horoskopit të cilave u hapet “porta e parave”!

Dashi Vëmendja juaj tani është te financat tuaja. Mërkuri në Demi nga 10 deri më 25 maj është i mirë...

Facebook