Lidhu me ne

Kryesore

Dua të jetoj në një Shqipëri normale (viti 1996)

beachstore

Nga Fatos LUBONJA

E kam shprehur shpesh këtë dëshirë, në prag të këtyre zgjedhjeve, më të shumtën e herëve krejt instiktivisht dhe pastaj, duke dashur ta racionalizoj, jam ndeshur në vështirësinë që më paraqet termi “normale”. Shpesh ai ka kuptimin e përshtatjes me një mjedis, por jo rrallë ku mjedis më del se mund të jetë i çmendur. Shpesh ajo ka kuptimin e asaj që i pëlqen shumicës, ndërkohë që jo rrallë dhe shumica mund ta ketë gabim. Para disa ditësh, p.sh., mësova se një regjisor teatri kishte goditur me grusht kolegun, pasi ky qënkesh shprehur negativisht për shfaqjen e tij. Ndërkaq, më thanë se në shfaqjen e agresorit, që kolegu i goditur e paska quajtur “pa vlerë”, mblidhen, dëfrehen e gajasen me qindra shqiptarë, ndërkohë që në shfaqjet e kolegut, ndonëse të suksesshme dhe në Europë, mezi hyjnë ca pak njerëz.

Ja se si del vështirësia për të gjetur se cila është normalja dhe cila anormalja. Por, mëgjithatë, ta hajë dreqi, diçka duhet të meritojë të quhet normale nga të gjithë, (të paktën në një qytetërim të caktuar, sepse dihet që në lashtësi quhej “normale” shfaqja e përleshjes së skllevërve me bishat për të dëfryer patricët). Më duket se në këtë qytetërimin tonë të kapërcyellit të shekullit të XX, duhet të quhet normale nga të gjithë, që artisti të mos e mbrojë dinjitetin e veprës së tij me grushta, por me fjalë, mundësisht të të tjerëve. Aq më tepër më përforcohet kjo ndjenjë/kërkesë normaliteti kur mendoj se Presidenti ynë (Berisha sh.r) trumbeton me të madhe, gjithandej nëpër Europë, se Shqipëria nuk është Lindje, se ekzistenca e saj për pesë shekuj në perandorinë e dhunës dhe paranojës s’ka qenë veçse një incident krejt i papërfillshëm në historinë e saj të gjatë perëndimore…

I besoj, s’i besoj mufkat e Presidentit, më duket se dhe ato më japin të drejtë të shpreh si krejt “normale” disa dëshira qytetare të cilat, meqë qeveria Berisha/Meksi jo vetëm nuk i ka realizuar, por u ka shkuar keqazi ndesh, do të doja t’i realizonte një qeveri tjetër.

Ja se si do t’i formuloja disa prej tyre:

-Dua të jetoj në një shoqëri ku policia të mos rrahë deputetë.

– Dua të jetoj në një shoqëri ku, gjykatësit të jenë më të pavarur se policët.

– Dua të jetoj në një shoqëri ku politikanët të kenë dhe veshë, jo vetëm gojë.

– Dua të jetoj në një shoqëri ku artistët të jenë më të nderuar se burokratët.

– Dua të jetoj në një shoqëri ku sallat e kinemave dhe pallatet e kulturës të mos kthehen në salla bixhozi dhe vende prostitucioni.

– Dua të jetoj në një shoqëri ku banditët, vjedhësit dhe shpifësit të mos kenë në duar median shqiptare.

– Dua të jetoj në një shoqëri ku administrata shtetërore të mos jetojë me rryshfetet e hallexhinjve.

– Dua të jetoj në një shoqëri ku rrugaçëve të mos u hapen zyrat e gazetave, por vendet e riedukimit.

– Dua të jetoj në një shoqëri ku fëmijëve shqiptarë t’u rikthehen parqet, bari dhe pemët e grabitura.

Dikush thotë se këto kërkesa, dhe të tjera të ngjashme, nuk janë normale në një vend si Shqipëria; dhe se është naivitet të shpresosh se ato mund t’i realizojë ndonjë parti politike. Shih nivelin e artistëve për të parë nivelin e politikanëve. Po në atë orë dhe po në atë kafene ku mësova për ngjarjen e teatrit, dikush erdhi e tregoi se një shef rajoni në Tiranë, së bashku më skotën e trimave të tij, sapo kish rrahur e zhgamitur në qytetin e studentëve një deputet të opozitës. Të parevoltuarit dhe të gjunjëzuarit e përjetshëm, ngritën për një çast veshët dhe pastaj, duke surbur kafenë, thanë me atë qetësinë e sigurisë që u jep skllavëria: Ç’prisni ju nga një polic, në një shoqëri që dhunën e përdorin artistët.

Megjithatë shpresat e vrara duhet të rilindin. Kur bie shi, Tirana jonë bëhet gjithë baltë. Kur del dielli ajo bëhet e gjitha pluhur. Të vetmet ditë freskie dhe kënaqësie janë ato kur shiu resht dhe thatësira ende nuk i ka përzhitur rrugët, ashtu dhe aq sa të na pushtojë pluhuri.

Marrë me shkurtime nga përmbledhja “Liri e Kërcënuar”, shkrim i botuar në Koha Jonë, maj 1996     

Vazhdo leximin
Kliko të komentosh

Duhet të jeni i kyçur në mënyrë që të mund të lini një koment Kyçu

Përgjigju

MË TEPËR

Mix22 orë më herët

Sekretet e një martese të lumtur

Ka nga ato çifte, që pas 10-15 vitesh martesë ia kanë dalë të qëndrojnë bashkë, të lumtur e të kënaqur. Po cili është çelësi për...

Mix22 orë më herët

Shenjat paralajmëruese të një marrëdhënie toksike

Shoqëria na ka mësuar të varemi emocionalisht nga partnerët tanë, kur, në fakt, një marrëdhënie e qëndrueshme duhet të përfshijë...

Mix22 orë më herët

5 sinjale që tregojnë një marrëdhënie toksike

Për fat të keq, ka njerëz që janë shumë kritik, negativë nga natyra, që do të thotë se ata nuk...

Mix22 orë më herët

Pse disa njerëz bien në dashuri menjëherë…

Është e lehtë të pëlqesh dikë, kur “ka kimi” se krijohet një magji e caktuar që shkakton tërheqjen. Le të...

Mix22 orë më herët

Sa ndikon stresi i nënës në shëndetin e fëmijës?

Një projekt i ri i krijuar nga “Lifecycle” ka pasur si qëllim pikërisht zbulimin e lidhjes së mundshme që mund...

Mix22 orë më herët

Si të shpëtoni nga mendimet negative?!

Jo rrallëherë ndodh që pronarët e bizneseve, të punojnë më shumë se sa duhet. Duke punuar dhe mbi 80 orë...

Mix22 orë më herët

15 thënie frymëzuese të Kobe Bryant, nga karriera e tij legjendare

Për të kujtuar Kobe Bryant, ju sjellim në vëmendje jetën dhe trashëgiminë e tij përmes thënieve të tij motivuese. Kobe...

Mix22 orë më herët

Sipas ekspertëve të shëndetit mendor, bëni këto 4 gjëra çdo ditë për të qenë më të lumtur dhe elastik mendërisht

“Njerëzit duhet të kuptojnë se të qenit “elastik mendërisht” do të thotë që po përjetoni diçka në një nivel të...

Sport22 orë më herët

10 muzetë më të mirë të futbollit në Europë

Më 14 qershor nisi në Gjermani, Kampionati Europian i Futbollit, Euro 2024. Është e vështirë të mos përfshihesh nga emocionet...

Mix23 orë më herët

Barcelona ndalon turistët e huaj të marrin apartamente me qira deri në vitin 2028

Barcelona, ​​një destinacion kryesor spanjoll për pushime, njoftoi se do të ndalojë marrjen me qira të apartamenteve për turistët deri...

Facebook