Kohë lapsusesh, edhe Thaçi bën një…

Duket se Hashim Thaçit ende nuk po e ndjen veten si numri dy i Qeverisë, prandaj po i pëlqen ta quajë veten kryeministër.
Sot, gjatë fjalimit që mbajti në konferencën “Gërmia Hill”, Thaçi tha se është ‘në ditët e fundit si kryeministër’, duke dashur të thotë ‘si zëvendëskryeministër’.

“Do të përpiqem të jem i shkurtër, vetëm në aspektin diplomatik, edhe pse i kam ditët e fundit si kryeministër shpresoj, pastaj natyrisht që do të kemi të njëjtat agjenda”, tha ai.

Gjatë fjalimit të tij, Thaçi u tregua mjaft i zëshëm në kërkesat e tij ndaj Brukselit zyrtar, ku tha se nuk duhet vonuar e ngecur në proceset e Kosovës, meqë kjo do të mund të sillte konflikte e krizë ndër-shtetërore e ndëretnike.