Rama, Berishes: Rrije me veshin te zemra dhe të shifshe a u rrifte mirë a keq…

Kryeministri Edi Rama dhe paraardhësi i tij janë përfshirë në debate e tensione për Byronë Kombëtare të Hetimit dhe vizitën e John Kerry në Tiranë.

Në debatin mes tyre nuk kanë munguar as batutat.

Rama: Nuk është faji jonë që e ke bërë partinë si kopësht pa drekë, ke lënë një aty që duhet ta çosh të ndërkombëtarët si në takim pa prindër. Kështu që bashkë të dy keni bërë një çorap të madhe, ça keni thënë javën e kaluar e keni ngrënë këtë javë.

Berisha: Të përgëzoj që fole më me zemër dhe e kuptoj që e ke nga prania e ministrit Manjani këtu në sallë. Sot të përgëzoj!

Berisha: Gënjeshtër ka këtu për ata që të vërtetën e quajnë gënjeshtër dhe gënjeshtrën të vërtetë, se ti qëndron në krye të kësaj liste.

Rama: Dhe ju të tjerët që në kopshtin pa drekë nuk ju japin as drekë, ka mundësi mos të merni përsipër të flisni. Jozefinë (Jozefina Topallit) mos më trego etikën, sepse kjo është e vërteta. E keni bërë PD-në dhe ti e di më mirë se të tjerët, se në dorë të kujt ka ngel PD. Të paktën mos bëj hipokrizi këtu. Dihet botërisht se çfarë mendimi ke ti për administratorin e kopshtit. Ti e di ç’po heq dhe ti e di si po mbahesh. Mos më ngacmo që të vazhdoj.

Berisha: Sot je marrë gjatë me kryetarin e PD-së. E ke të shkurtër shumë, shumë jetën në politikë. Se me dy fantazma në shpirt një të Sali Berishës dhe një të Lul Bashës ti do thyesh qafën shumë shpejt.

Rama: Ti kishte ambiciet e tua si komunist i ri që doje të rriteshe në hierarkinë e punës, ti jepje atyre gjithçka, tu rrije me veshin te zemra dhe të shifshe a u rrifte mirë a keq. Dhe këtë mos e thuaj që s’kam pranuar të bëhem mjeku personal se e di sa keq dukesh.

Berisha: Sëmundjet janë sëmundje dhe Sali Berisha është mjek ndër të tjera. Zotëria është një gënjeshtar kongenital dhe qënia e tillë e bën atë që ccdo të vërtetë ta konsiderojë gënjeshtër. Por është i pakurueshëm.