“…për kokë të atyre 2 gocave të mia…”

Pas akuzave të shumta që ish-kryeministri Berisha i drejtoi në Kuvend për afera korruptive, Arben Ahmetaj ka replikuar duke thëne se ishte gati të jepte dorëheqjen nëse do të kishte hedhur qoftë dhe një firmë në kundërshtim me ligjin.

“Për kokë të dy gocave të mia do të jap dorëheqjen në sekondë”, ka thënë Ahmetaj. Në vijim të replikës së tij ai u shpreh:

“Nuk do të bëja replikë, por do ta falenderoja z.Berisha që më kujtoi në ditën e shënuar, ditën e grevës së urisë, se kam qënë nga ata trimat, pavarësisht se unë s’e kam mbajtur veten ndonjëherë për trim, – tha Ahmetaj. – Kam qënë student në grevën e urisë dhe krenar, por pas asaj diplomës sime të pare se unë kam marrë dhe disa të tjera, bëra që fëmijët e mi dhe të tutë natyrisht të jetojnë ndryshe. E bëra që Shqipëria të mos merret më peng dhe që në diplomën time modeste të mos ishte emri im i një diktatori dhe nuk ma mori mendja që pas kaq vitesh të kishte të njejtat probleme dhe t’i ti trajtoje si sekretar partie. Shpresoj që këto probleme t’i trajtojë historia dhe uroj që edhe drejtësia. Unë kam 20 vjet që deklaroj të ardhurat, që nga mosha 26 vjeç dhe jam kontrolluar edhe me urdhrin tënd. Unë jam një nga arsyet që niveli i antikorrupsionit në financa do të njohë rritje të paparë. Por të propozj çoji akuzat në Prokurori, kontrollo çdo firmë timen dhe nëse gjen qoftë dhe një firmë në kundërshtim me ligjin, unë të garantoj, për kokë të atyre 2 gocave të mia, që do të jap dorëheqjen në sekondë. Vër burrat dhe gratë e zotë nga Grupi yt dhe le të më kontrollojnë.”