E para është dhe e fundit me siguri. Quhet Pufi…

Arjan Çani, gazetari prototip i ekranit shqiptar, vjen në një rrëfim privat, duke folur për gratë e ‘jetës së tij’, dashurinë e parë dhe të fundit! Biondet apo brunet? Për martesën dhe tradhtinë, për divorcin dhe aventurat! Nëse do të binte në dashuri me një prostitutë, nuk do vepronte si Richard Gere te “Pretty Woman”! Nuk do të braktiste një biznes, një karrierë, një betejë për një dashuri! ‘Unë jam një partner i denjë!’ -thotë ai…per madamemapo.al

1. E mbani mend dashurinë e parë? Kur ka ndodhur? Ku është ajo?

Jo, s’më kujtohet as emri, as ngjyra e syve. Mbaj mend vetëm që duhet të ketë qenë dikur në moshën 15 vjeç… Por nuk mendoj se ka qenë dashuria e parë. Mendoj se ka qenë kurioziteti i parë për seksin tjetër…

2. Po të fundit, apo e para është edhe e fundit?

E para është dhe e fundit me siguri. Quhet Pufi…

3. Çfarë kanë biondet që brunet s’e kanë?

Duket sikur kanë lehtësinë që brunet duket sikur nuk e kanë…

4. Kur dëgjoni: është ‘një grua e mirë’, çfarë ju vjen në mend? Një grua e kuruar apo e duruar?

Të dyja bashkë.

5. Ç’do të thotë për një burrë ‘dashuria kalon nga stomaku’?

Ndoshta që ushqimi duket se është shpesh një pigment që të stimulon dëshirën, por unë nuk e besoj shumë këtë teori…

6. Martesa, zgjedhje apo zgjidhje?

Në fillim zgjedhje, më vonë zgjidhje…

7. Tradhtia, pashmangshmëri e natyrshme apo devijim i paparashikueshëm?

Pashmangshmëri e natyrshme për burrat dhe devijim i paparashikueshëm për gratë ndoshta, por nuk është se ka ndonjë recetë…

8. Divorci, stacion apo ndërprerje e dhimbshme?

Të dyja bashkë.

9. Kur dëgjoni fjalën ‘grua’ cili është asosacioni i parë: Ajo apo Nëna?

Ajo dhe nëna. Të dyja bashkë…

10. Jeta jote me një grua, ç’titull do të mbante?

Kurioziteti që nuk shteron…

11. Dhurata e fundit që keni bërë për një grua?

I kam puthur bythën…

12. Aventura, ka emrin grua apo shkon përtej saj?

Gruaja është një aventurë më vete… Për burrat që duan gratë, është ndoshta e vetmja që nuk shteron…

13. Kur i thoni një gruaje që e doni?

Sa herë që jam mirë me veten…

14. Emma Bovary, heroinë apo viktimë? (Flober shkroi në hyrje të romanit të vet: “Zonja Bovari jam unë”. A je ti një ‘zonja Bovari’?)

Jo… Unë mbetem partner i denjë. Nuk mendoj se duhet të jetë viktimë apo aq më keq, një heroinë… Tmerr…

15. Lady Macbeth, fatalitet apo shans në jetën e një burri? Ose e thënë ndryshe, Lady Macbeth ose gruaja që të shtyn drejt pushtetit apo suksesit absolut, çfarë i bën një burri?

Lady Macbeth është vetëm krijim i burrit. Është pasqyra e tij… Kaq…

16. Po t’ju ndodhte të binit në dashuri me një prostitutë, do të vepronit si Richard Gere te “Pretty Woman”? A do të braktisnit një biznes, karrierën, një betejë për një dashuri?

Jo… Nuk besoj se kjo mund të ndodhë përveçse nëpër filma…

17. Më mirë një shef apo një shefe?

Një shefe është gjithnjë me eksituese.

18. Bota ndryshohet para apo pas martese? Po një burrë?

Bota nuk ndryshohet. Për rrjedhoje, as burri…

19. Çfarë konsideroni seksi te një grua?

Gishtat e këmbës, aroma…

20. Nëse do t’i bënit një gruaje një pyetje të vetme, cila do të ishte?

Sa vjeç e ke çunin?

21. Mendoni se gratë bëjnë shumë pyetje?

Po, e mendoj dhe bëjnë shumë mirë. Por burri dhe mund të heshtë ndërkohë… Hahahaha…