Lekaj tenton thithjen e investitorëve gjermano-kinez

Gjatë ditës së djeshme, në Baiersbronn të Gjermanisë, biznesmeni shqiptar Rolando Lekaj në bashkëpunim me biznesmenen e fuqishme në Kinë dhe në Azi, zonjën Yu Wenhong mblodhën mbi 250 biznesmen gjermano-kinez. Në këtë qytet turistik gjerman, biznesmeni i ri shqiptar prezantoi në mënyrë të denjë e plot detaje Shqipërinë e tij, ku dhe ftoj biznesmenët gjermano-kinez që të investonin në këtë vend në zhvillim e sipër. Ai u foli të ftuarve edhe për fushat më të rëndësishme të zhvillimit dhe të investimeve, si turizmi, infrastruktura, shëndetësia etj. Ndërkohë që biznemesja e fuqishme zonja Yu Wenhong, duke pohuar që “E dua shumë Shqipërinë për bukuritë e saj dhe njerëzit e dashur të këtij vendi”, ajo ftoi të gjithë që të investonin në këtë “perlë të Ballkanit”. Veçojmë që të ftuar nderi në këtë takim, mes të tjerësh, ishin: z. Hans Joachim Fuchtel, sekretar shteti pranë kancelares Merkel; znj. Saskia Esten, deputete e Bundestagut; Dr. Klaus Rückert, deputet i Landit të Baden Würtembergut; z. Michael Ruf, Kryetar i Bashkisë së Baiersbron dhe z. Wong Weidony, ambasador i Kinës në Gjermani.

Ndërkohë, nga pala shqiptare nderonin me pjesëmarrjen e tyre : z. Besnik Rama, Keshilltar ekonomiko-politik dhe prej disa vitesh tashmë botues & kryetedaktor i gazetës NacionlAlbania, znj. Stela (Kalavace) Kock, afariste shqiptare në fushen e ndertimeve & imobiljeve në Gjermani dhe në Shqipëri dhe biznesmeni gjerman, Arkitekti, z. Helmut Kock, i cili tashmë prej 8 vitesh ka edhe biznesin e tij në Shqipëri. Ky organizim ishte i rëndësishm për botën e biznesit, por edhe për vendet si Gjermania e Shqipëria në Europë, si dhe Kina në Azi. Vlen të theksohet fati që znj. Yo Wenhong njihet në Kinë dhe me emrin Tereza për ndihmat dhe donacionet e shumta që ajo shpërndan për njerëzit në nevojë, si në Kinë, ashtu edhe në vende të tjera aziatike. Prandaj, aziatikët tashmë e quajnë Nënë Tereza e dytë. Pikërisht prania e saj dhe lobimi për Shqipërinë pritet të sjellë investime në të ardhmen e afërt, duke qenë se ajo ka shprehur gadishmërinë e saj me bashkëpunimin me biznesmenin Lekaj që të promovojnë Shqipërinë dhe të sjellin një erë investimesh gjermano-aziatike në këtë vend. Në të ardhmen, pritet edhe takime të rëndësishme me palën shqiptare, për të vendosur konkretisht për hapat e mëtejshëm të investimeve dhe fushave për të cilat biznesi i huaj mund të investojë. (NacionlAlbania)