Imituesi i Ramës me ekspozitë pikture si Rama

Florian Binaj ka studiuar për pikturë, përpara se të bëhej i njohur në ‘Portokalli’ në rolin e policit. Përpos provave dhe orareve të ngjeshura të këtij spektakli, ai nuk e ka braktisur asnjëherë pasionin e tij të parë, dhe ka vendosur që të gjitha punët e bëra përgjatë këtyre viteve, t’i mbledhë në një ekspozitë personale.

‘Paralel’ e ka titulluar Florian Binaj këtë ekspozitë, që do të përmbajë krijime në vizatim, grafikë dhe skica. Përmes Instagram-it, ai ka treguar se ato janë realizuar gjatë kohës së pakët që i mbetej nga ‘Portokallia’. Ai ka bërë me dije se do të jetë një ekspozitë e hapur, ku çdokush mund të shkojë të shikojë krijimet e tij.

Ndërkaq, kolegët e tij të Portokallisë, shikojnë herë pas here skica apo karikatura të tijat, që ai i bën gjatë provave të spektaklit. Moderatorja Eneda Tarifa mori prej tij si dhuratë për lindjen e Arias, një pjatë ku ishin skicuar portretet e saj, partnerit Erion dhe Arias së vogël, nga dora e Florianit.

Ai ka pikturuar që i vogël, madje mësueset e 8-vjeçares kanë ruajtur pikturat e tij, një prej të cilave ai na e ka shfaqur. Më pas vazhdoi studimet për pikturë, e në Liceun Artistik ‘Jordan Misja’ në Tiranë, u njoh edhe me Sadinën (galeri), bashkëshorten e tij dhe nënën e vajzës së tyre 1 vjeç e gjysëm.