Në shtator të vitit 2015 Anjeza Shahini ka kurorëzuar dashurinë e saj me Paul Connolly me një ceremony martesore në një kështjellë në Itali. Tashmë jeton në Londër duke i muguar shumë skenës shqiptare.

Anjeza Shahini lindi me 4 maj 1987 në Tiranë. Ajo mund të konsiderohet fare mirë si një ndër këngëtaret më të mira të brezit të saj por dhe të të gjitha kohërave. Zëri i saj mjaft i veçantë dhe tonaliteti i japing vlera vokale të jashtëzakonshme. Por nuk mbetet i pa vlerësuar dhe interpretimi i saj skenik, mënyra se si e zotëronte skenën, pavarësisht moshës shumë të re, që në fillimet e saj.

Anjeza Shahini në vitin 2004 përfaqësoi Shqipërine për herë të parë në Eurovizion me këngën “Imazhi Yt”. Anjeza arriti pozicionimin më të lartë deri më sot nga përfaqësues të këngës shqiptare në këtë kompeticion, duke u renditur e shtata në natën finale.

Pas kësaj eksperience mbresëlënëse karriera e Anjezës vazhdoi të rritet edhe më tepër. Në vitin 2005 ajo firmosi një kontratë me një menaxhues artistësh me bazë në Vjenë, duke shpresuar për një karierë ndërkombëtare. Ajo ndërmori një pushim nga kariera muzikore për të vazhduar studimet e saj në Austri. Rikthimi i saj ishte i bujshëm, pas dy vjet mungesë, në vitin 2007 ajo mori pjesë në dy projekte të mëdha, Këngët e Shekullit 2 dhe Kënga Magjike 2007 me këngën “Nxënësja më e mirë”, e cila u klasifikua e katërta. Në vitin 2008 Anjeza hedh në treg albumin e saj të parë “Erdhi Momenti”, i cili është pritur shumë mirë nga publiku.

Këngët dhe Albumet e tjera:
· Nëse të ndodh (Single/ June 2003)
· The Image of you (ESC/ May 2004)
· Mes nesh Ft Marigona Band (Single/ 2004)
· Pse ndal (Single /December 2005)
· Ëelcome to Europe (Single/ June 2006)
· Nxënësja më e mirë (Single/ Oct 2007)
· Erdhi Momenti (Album 2008)
· Në Pasqyre (Single/2009)
· Ti dhe Unë ft Dren Abazi & ZZOrchestra (Single/2011)
· Të desha shumë (Single/2012)
· Nesër nuk do të jetë njësoj (Single/2012)
· LOVE (Single/December 2012)
· Dashuria e Bjeshkëve të Nemuna (Soundtrack/ 2013)
· Kastanien Lied (Guest Singer/ Single 2013
· Ujë në shkretëtirë (Single/ March 2014)[7]
· Magnet (Single/July 2014)
· Energji (Single/Oct 2014)