Elona Meço me një postim shumë interesant…

Gazetarja Elona Meço ka publikuar në profilin e saj në “Facebook”, disa raste kur diktatorët më të mëdhënj të historisë botërore, kanë zëvendësuar zgjedhjet me referendumet. Sigurisht që mbështetja ishte e madhe, por edhe pasojat e saj.

Në fund, Meço poston edhe një thënie të ish-kryeministres së Britanisë së Madhe, Margaret Thatcher.

Postimi i Elona Meço:

Në pritje të pyetjes së referendumit të 9 prillit, thërrasim në ndihmë historinë për të marrë mësimet e duhura.

Benito Mussolini kishte një pyetje të thjeshtë, kur zgjedhjet e 26 Marsit 1934, i shndërroi në referendum. “A e miratoni listën e deputetëve të caktuar nga Këshilli i Madh Kombëtar i Fashizmit?”. Rezultati : 99.7%.

Adolf Hitler bëri një rrugë e dy punë me referendumin e 10 prillit 1938. Dy pyetjet e referendumit ishin shumë të thjeshta: “A e miratoni ribashkimin e Austrisë me Rajhun Gjerman, të ratifikuar në 13 Mars 1938 dhe a votoni për listën e Fyhrerit tonë Adolf Hitler.” Rezultati 99.7%.

Augusto Pinochet në 1978 nuk beëri fare pyetje, por e bëri referendumin si deklamacion për legjitimitetin e qeverisë. Rezultati ishte 78.6%.

Margaret Thatcher ka thënë dikur se referendumet janë mjete në duar të diktatorëve dhe demagogëve.

Kaq kisha!