Ja pse nuk duhet ta përqafoni qenin tuaj

Është e vështirë t’i rezistosh tundimit për të përqafuar qenin, por ky veprim dashurie nga ana e njerëzve mund të jetë shumë i pakëndshëm për qenin. Sipas një shkrimi të publikuar në Psychology Today nga doktor Stanley Coren, profesor i specializuar në sjelljet e kaninëve në University of British Columbia, përqafimi u jep qenve stres dhe ankth.

Pra, nga tani e tutje, më mirë të mos i anashkalojmë shenjat e pakënaqësisë së qenit, si uljen e veshëve apo të bardhën e syve që bëhet gjithmonë e më pak e dukshme. “Kur qeni është në ankth, shton doktor Coren, e kthen kokën nga ana e kundërt e objektit që e shqetëson dhe ndonjëherë mbyll sytë, ose vetëm pjesërisht”. Nëse qeni i bën këto veprime kur e përqafojmë, janë një shenjë e qartë e vuajtjes së tij.

“Qentë janë ‘të programuar’ për të ikur, shpjegon Coren, gjë që implikon që në çaste stresi ose vuajtje, mbrojtja e parë që vënë në përdorim, nuk janë dhëmbët, por aftësia e tyre për t’u larguar. Specialistët besojnë  që të privosh një qen nga mundësia për të vepruar kështu, duke e gozhduar me një përqafim, mund të rrisë nivelet e tyre të stresit dhe, nëse ai është i lartë tashmë, ekziston rreziku dhe që të kafshojë.” Pra, si gjest afeksioni ndaj tyre, më mirë, herës tjetër, thjesht t’i përkëdhelësh lehtësisht ose të luash me ta, duke i lënë të lirë të lëvizin.

Huffingtonpost.it