Victoria Beckham rrëfen sekretin e “Spice Girls”

Victoria Beckham ia ka dalë që brenda pak vitesh të bëhet një emër i madh në fushën e modës. Bashkëshortja e futbollistit David Beckham e nisi karrierën si këngëtare, por shumë shpejt u hodh në botën e modës.

Ajo mbahet mend si Posh e grupit të vajzave britanike “Spice Girls”. Shuam vite pas suksesit të madh që njohu grupi i saj, Victoria ka rrëfyer se në të vërtetë nuk është gjendur kurrë rehat në botën e muzikës.

“Shpesh, mikrofonin tim e fiknin. Preferonin që të këndonin vajzat e tjera”, ka thënë ajo.

Victoria është shprehur se gjatë performancave live, ajo nuk këndonte në të vërtetë.

Nëna e katër fëmijëve thotë se ka qenë gjithnjë ndryshe nga vajzat e tjera të grupit. “Kur të tjerat kënaqeshin duke kërcyer mbi tavolina, unë isha ajo që kujdesej që tavolina të mos binte”, tregon Victoria.