Të rikthejmë Peqinin BLU.

Në kuadër të zgjedhjeve në disa degë të PD-së, Lulzim Basha, ka rikthyer në Peqin Dashnor Sulajn.

“Të dashur miq,

Pas një pauze të gjatë prej ditës së sotme do të nisim një komunikim intensiv së bashku të cilin nuk do ta ndërpresim më. Ju njoftoj se me vendim të kryetarit të Partisë Demokratike, Lulzim Basha, unë jam emëruar kryetar i grupit të punës për zgjedhjet në degën e PD-së në Peqin. Për këtë arsye, çdo koment i juaji, çdo sugjerim i juaji, çdo mendim i juaji do të jetë shumë i vlefshëm për mua dhe ju premtoj se do ta marrë në konsideratë atë.

Shpresoj shumë që bashkë me ndihmën tuaj ta kthejmë edhe njëherë Peqinin në bastion të Partisë Demokratike. Jam besimplotë se të gjithë bashkë mund të punojmë, të lëmë pas të shkuarën, dhe të rikthejmë Peqinin BLU.

Miqësisht, Dashnor Sula”, shkruan ish-deputeti demokrat.