Ajo ndalon së kënduari për t’i bërë një kërkesë fansave.

Në turin botëror të Adele kanë ndodhur shumë gjëra. Duke filluar nga propozimet live për martesë, tek selfiet me vajza të cilat kanë një ngjashmëri të madhe me Adele dhe koncertin ku Adele harroi fjalët e këngës së saj. Por, këtë herë ka qënë vetë ajo që ka ndërprerë performancën e saj, për t’i bërë një kërkesë një fansi.

“Dua t’i them asaj vajzës aty: A mund të ndalosh së më filmuari me kamera? Sepse ja ku më ke, jam këtu në këto momente. Mund ta shijosh koncertin tim në jetën reale dhe jo nëpërmjet kamerës. Mund ta ulësh atë? Ti nuk po shikon një DVD, por një koncert të vërtetë. Do të doja shumë që të shijoje koncertin tani që je këtu, pasi aty jashtë ndodhen plot njerëz të tjerë të cilët do të donin të ishin në vendin tënd,” ka thënë këngëtarja gjatë koncertit të saj në Verona./Cosmopolitan