Femrat kërkojnë rritje page po aq sa edhe meshkujt, por me më pak rezultat

Femrat kanë po aq të drejta sa edhe meshkujt për të kërkuar rritje page, por gjasat që ta arrijnë një gjë të tillë janë më të pakta.
Kërkimi i bërë nga Cass Business School si dhe universitetet Warwick dhe Wisconsin ka marrë në studim 4600 punonjës.
Nga studimi doli se nuk mund të mbështetej teoria “femrat e heshtura”, sipas së cilës gratë shmangnin të kërkonin rritje page.
Në radhë të parë, studimi eliminoi dallimet mes punëtorëve me kohë të pjesshme (që fitojnë më pak) dhe atyre me kohë të plotë. U vunë kështu në krahasim meshkujt që punojnë me kohë të plotë përballë femrave që punojnë me kohë të plotë, si dhe meshkujt që punojnë me kohë të pjesshme përballë femrave që punojnë me kohë të pjesshme.
Studimi tregoi se kur meshkujt kërkonin një rritje page kishin 25% më shumë mundësi për ta arritur atë se sa femrat.
Studimi gjeti se nuk kishte asnjë provë se femrat ishin më pak të gatshme që të kërkonin një rritje page, pasi ato janë më të kujdesshme për të mos prishur marrëdhëniet me shefin e tyre.
Studimi u ndërmor në Australi në vitet 2013-‘14. Australia mendohet se është i vetmi vend që regjistron në mënyrë të vazhdueshme kërkesa për rritje page.
Duke analizuar të dhënat, studiuesit morën në konsideratë edhe përmasat e ndërmarrjeve, faktin nëse punëtorët ishin prindër e po ashtu edhe gradën e tyre të kualifikimit.
Andrew Oswald, profesor i shkencave të ekonomisë dhe të sjelljes sociale në Universitetin Warwick, tha se ishte i befasuar nga rezultatet e këtij kërkimi.
Mendimi se femrat nuk kërkojnë aq shpesh sa meshkujt rritje page është një teori popullore. Është shumë e lehtë ta thuash një gjë të tillë për gratë, por gjithçka është qesharake.
Duke parë këto rezultate, mendoj se duhet të pranojmë se ka disa elemente diskriminuese kundër femrave – shton prof. Oswald.
Australia mund të jetë e çuditshme, por megjithatë mbetet një ekonomi industriale moderne, mes Britanisë së Madhe dhe SHBA-së, kështu që mendoj se diçka e tille është e vështirë për t’u besuar.
Gjithashtu studimi gjeti diferenca edhe në bazë të moshës për femrat dhe meshkujt nën 40 vjeç, si për të kërkuar po ashtu edhe për të përfituar rritje page me të njëjtin ritëm, gjë që i ka çuar studiuesit të mendojnë se mënyra e sjelljes ka filluar të ndryshojë.

Burimi: BBC